یارپیز

 
عومور باغی یاشلی آغاج ساخلادیب

 یاشلی آغاج قوللارینی اوزادیب

 آغاجدا اوز وارلیقینی تانیدیب

 کولگه سینی کولگه لری نن قاتیب

 آغاج اوزی وارلیقیندا ساخلانیر

 آغاج اوزی وارلیقینان تانینیر

 اوجا دووار آییریلیقی سالان دیر

 تانینمامیش فاصله لر قالان دیر

 کونول ایستیر اوجا دووار اولماسین

 کونول ایستیر فاصله لر قالماسین

 کونول ایستیر وارلیقلاری ساخلاسین

 کونول ایستیر کولگه لری قاتیشسین

 کونول ایستیر شهامتلی یول آچا

 یاپیشماقا قورخولاری قورتولا

 کونل ایستیر آخیملاری ارخ سالا

 ارخ قیراغی یارپیزینان وارلانا

 کونول ارخی آخیمینان ایسلانیب

 آمما یارپیز اوزاقلاردا دایانیب

 آییرلیقی سالان بللی اولوب دی

 آمما باخیش اوز ایشلرین گوروب دی

 کولتور نئجه سوزلرین بارلادیب دی

 آنا دیلی اوزون نن قیرمئیب دی

 من ایستیرم فاصله لر اولماسین

 من ایستیرم قریب چی لیک قالماسین

 من ایستیرم آنا دیلی ساخلانسین

 من ایستیرم یارپیز آخیمدا قالسین

 من ایستیرم  قوللار اوزون اوزانسین

 من ایستیرم کولگه لر قاتیشسین

 قاسیرغالار بیللنمیری هاردادیر

 قادا آغری هاچاغ قاپی نی چالیر

 او چاتمامیش بیرلیکیمیز چاتایدی

 قوللاریمیز دایاقلیقدا قالایدی

***