[حورمتلی جناب خشابی اوچون

سوز بولاقیم بولانیب دورولماقین گوزله لیرم

خسته لیگیم انگه چاتیب قورتولوشی بیلله دیرم

اللرینه خشابی نین یورقون اولما سسله دیرم

بو زامانیم اونملی دیر دویغو یارادما دئییرم

بیر زامانلار اونملی دیر بیر عومورده بیلله نیری

کونلوم اوستونده سول الی سولما دایان دیلله دیری

ساغ الی نین یاردیمینی وارلیقیما ایشله دیری

بئله چاغین قالماسینی عومور بویی سسله دیری

بو ارخلرین آخیمینی اوستون حکیم بیلله دیری

هر بیر ساغالما یولونون آغری لاری بللی اولوب

دوغوملارین آغری سینا چاتان آنا سسلی اولوب

هر بولاق اوز آخیمینا قایا داشلاردان یول آچیب

مثنویلر وارلیقینی ساتیلمئیان سینماز یازیب

عومور بویوندا بئله چاغ تاریخی وارلیقین سالا

ایش گورنلر بارماقلاری هونرلرین آیندینلادا

وارلیقین قالماقلیقینا عومورجه عوموری یازا

انگیمی دا ساغالدیرام سوز بولاقین حیصه سی دیر

بئله ساغالدان وارلیقی چاغلارین آرتیرانی دیر

سئویملی وارلیقلاری دا کونولده مضراب چالدیریر

گئنج دیر خشابی دیر یاردیمچی سی وار باغی دیر

کونلوم اوسته وارین یازان سول الی نین دامغاسی دیر

یازدیقلاری اوخونمویان سوزلری نین دالغاسی دیر

گوزل باغین گوزل گولی رایحه لی قالمالی دیر

عومور بویی وارلیقینی مثنوی ده یایمالی دیر

***