یئدینجی دعا صحیفه سجادیه دن امام سجادین دوغوم موناسبتیه

   دیله یش  ( 7 )

اونملی بیر اوز وئرمه اولاندا ِو آغریلار گلنده و آغریلارا چاتاندا .

1 )– ای او کیمسه که سئویلمز ایشلرین دوگونلری سن نن آچیلار و ای او کیمسه که آغریلارین آجیلیقی سن نن داغیلار و ای اوکیمسه که چتین لیکلردن چیخماق و راحات لیقا گئچماق سن نن ایسته نر .

2 )– ای منیم تانریم! چتینلیکلر سنین گوجوینن آسادلاشار و ایشلرین گوروم آلقاشی سن نن یئغیشار و سنین گوجوینن هاممی یاسالار آخیم سالار و هر زاد سنین ارده ن نن، اوزه چیخار .

3 )– ای منیم تانریم! تکجه سنین ایستکین نن دیر که بویروق وئرمه میشدن ایشی گورورلر و هر زاد سنــین  اراده ننن دیر که قاباق لارین آلمامیشدان دورورلار .

4 )– ای تانری چتین لیکده سنی ایستیرلر و آغریلاردا سنه سیغینیرلار و سن نن صونرا بیر کیمسه یوخدی که آغری لاری آپارا و هر بیر آجیلیق ودوگونلر تکجه سن نن آرادان گئدر .

5 ) – ای تانری! او بلا و آغری که منه چاتیبدی اونون آغیر لیقی منی سیندیریر و آغریلارین منه وئـــــریر که آلتیندا دایانانمیرام .

6 )– ای تانری! سن بونلاری اوز گوجوینن چیگنیمه قویوب سان و اوز اوستونلوک و خاقانلیقین نان اونی منه ساری آخیدیب سان .

7 ) – بئله ده اوزادی که سن وئریبسن گوتورن یوخدی و اوزادی که یوللویوبسان قایتاران یوخدی و اوزادی که سن باغلادیبسان آچان یوخدی و اوزادی که آچیبسان باغلادان اولماز و او زادی که سن آساد ائدیبسن بیر کیمسه چتین ائده بیلمز و اونی که اسکیلدیبسن یاردیمی اولان تاپیلماز.

8 )– بئله ده محمد و اولادینا سلام و پای یوللا و اوز اوستونلوک و پایلارین نان آچیلیش قاپیسین منه آچگینان و اوز گوجوینن اوزونتو سلطه سین من نن آپارو سئویملی باخیشینان چتین لیک لریمه باخگینان و اوزادی که سن نن ایسته میشم قابوللوق شیرین لیگین منه دادیز دیر، و اوز گوجوینن پاک بیر آچیلیش منه باغیشلا و آغری لاردان چیخماقا بیر یول منه عطا ائله .

9)– و منی آغریلاریمین ایچینده ، واجبات و مستحبلریمی  گورماقدان ساخلا ما .

10)– ای تانری! باشیما گلن لرینن گوجسیز اولموشام ، آغری و اوزونتولره دولموشام و سن ائیلیه بیلرسن اوزادی که اونا باغلانمیشام منی اوننان قورتاراسان، بئله ده بوایشی گور، بیلیرم که من لایق بو ایشین دگیلم، ای بویوک گویلرین صاحابی .

امامجادین خانیم لاری

امام سجادین خانیملاری چوخیدی که اونلارا ام ولد دئیردیلر آمما تاریخ اونلارین چوخونی اونودوب تکجه اوچ یادا دورد خانیمی آدلانیب دی

 1- حضرت فاطمه امام حسنین قیزی

2 حوراء

3- حیی بن احطب 

4- 

 5-

                                               ***