تئزه گون بایرامی ( عید نوروز)

تئزه گون بایرامی ( عید نوروز)

تئزه گونوم باخیر گئچمیش گونلره

سویوق لیقی من نن سالیر دیللره

هاوا چونوب کونول گئدیر ایستکه

چول وئریری رایحه سین دلبره

گئددیم باغا ارخ قیراغی اوتلانیب

یارپیزلاریم تئزه تئزه قوزانیب

چوخلی چوخدان نئچه ایلدی واردیلار

بو چاغلاردا چوخ رایحه سالیرلار

باغلانمیشام اودا بیلیر نه اولوب

یارپیز منیم هاممی حسسیم نن قالیب

تئزه گون بیر تئزه ایله باشلانیش

تئزه ایلده بیر ایستکه قوزانیش

من نن اولار دنه لره چاغیریش

اکین لرده قوزانیشا بیر آلقیش

من سئویرم محبت اکمیش اولام

من سئویرم یارپیزیمی ساخلییام

من سئویرم تئزه لیکلر ساخلانا

من سئویرم سئوگی لیکلر خوشلانا

***