شعبان اورتاسی ، ملیکا ، مهدی آناسی

 

 

 

شعبان اورتاسی

چوخلی چوخدان خریطه سی واریدی

یازقیسینا زامان گلیب چاتیر دی

ان بویوک دی اشتراکا قویولور

عیسی گلیب محمدی نن الور

بو پروژه بیر انسانا آدلانیب

بو انسانین آنالیقی تانینیب

ملیکادی روم شاهی نین نوه سی

روم نان چیخیب سامرایا گلمه سی

اوز وئرمه دیر تانیددیرما اولماسی

دویغولانیب باغلی یولی آچماسی

کونول گره ک داشقین لاشا بو یولا

یولی توتوب آغریلارینی آلا

روم قیصرین نوه سی دیر نرجس اولان

آییری آدی ملیکا مسیحی نن تانینان

محمدی نن مسیح ال بیر اولوب بو ایشه

ملیکا روم چیخا سامرایا یئتیشه

خریطه چکیلیب روم دیلینده یازلیر
ملیکانین الینه خریطه سی چاتیلیر

ملیکا رویاسیندا سئودیگینی تانییب

سئودیگینه چاتماقا کونولی دالغا سالیب

بو امام هادی دیرمالیک اولوب اکینه

ملیکا دیر باغلانیب اکین چی یه
حاصیل نه دیر بللی اولوب حیاتا

بیر کیمسه دیر عدالتی ساخلییا

کونول گره داشقین لاشا بو یولا

یولی توتوب آغری لارینان اولا

ظالیم اولان عدالتدن قورخوری

عدالت ده گوج وارینی یوخلوری

کولتور گره ک عدالته یول آچا

سویلار گره ک عدالته یول سالا

زامان ایستیر عدالت ده تانینا

قوردلار قویون پالتارلارین نان چیخا

خائن اولان خادم اولوب ، تانینسا

ظالیم اولان یاور اولوب ، تانینسا

اوندا عدالت گوجونی تاپاجاق

مهدی گلیب عدالتی سالاجاق

چاتاناجان سویلار چالیشمالی دیر

کولتور وارین وارلیقدا ساخلییان دیر

آنا دیلی کولتور اوچون پایا دیر

اوزون دانان اوزگه سینه سینان دیر

****

 

 

 

قیصر روم نوه سی

نرجس خاتون اولاندی

آییری آدی

ملیکا مسیحه باغلاناندی

برده ساتان بشر بن سلیمان

بیر یازقینان

رومی دیلده یازیلان

عراق ئولکه سی نین ایچینده

فراتین کورپوسینده

اسیر لرین یولوندا

گلیب یازقی نی وئرسین

ملیکا بیر سئوینسین

یازقی دا یازیلیب دی

برده ساتانا دئسین

ملیکا برده سینی

بو بیر کیمسه یه وئرسین

آل ساتیشلار بیللندی

ملیکا دا آلیندی

گلیب امام حسن عسگری

ملیکایا چاتیب دی

رویا دا گوردوکلرین

ملیکا گورور ایندی

ائلچی لیق ایشی اولوب

نمنه اولاجاق بیلیب

محمد عیسی گلیب

ملیکانی دیندیریب

دویغولارین قوزادیب

حضرت مریمی نن فاطمه ده گلیب دی

ملیکانی گوررکن سوزلرینی دئیب دی

دنیالیق خانیم لارین بو خانیمی

بیلدیریب دیر اونا فاطمه نی

ملیکا ، اریین بودیر آناسی

ملیکا توتوری زهرا اتگین

آغلاییب ایستیری اوننان عسگری سین

بیلدیردی گورماقا گره ک شیعه اولا

تا گوروش یوللاری اونا صافلانا

داها هر گئجه گورور یوخودا

حسن عسگری نن تانیشلیق سالا

سونرا که گلیب عراقا چاتیر

علی النقی نین یانینا چاتیر

سوروشور امامنان ارینه گوره

امام اوغلونی اونا بیلدیره

حکیمه خاتونی امام چاغیریر

نرجس کیملیگین اونا تانیدیر

حکیمه باسیری باغرینا نرجسی

سیخیر باغریندا ساخلیر نرجسی

امام هادی یه نرجس گلین دی

حسن عسگری یه نرجس خانیم دی

امام مهدی یه نرجس آنادی

 

 ***