جفا قیلما

 

 

 

 

جفا قیلما

آلچاق اوجا دره تپه واریدی

گوز باخیردی آمما بیر یول یوخیدی

باغلی لیقلار تانینمامیش قالیردی

کونول واری سونموش چیراغیندایدی

حس بولاقی باغلانیب کن آخمیردی

سئوگی لیکلر بیر بیره باغلانمیردی

بو مرحله سونموش اولان بیللندی

یانار کونول سسلرینده دیللندی

سئویل یولی باغلی لیقی سالمایدی

 

 

 

 

باغلی قاپی آچیلماسی اولمایدی

بیر دوشونوش قورخی سالدی آرایا

باغلی لیقی آتدی قارا قالایا

جفا سالدی کونول یولون باغلییان

جفا سالدی دئیه حسسی اولمویان

جفا سالدی آیریلماقا چاغیران

جفا سالدی قورتولوشا باغیران

یول سالینیب داها پوزماق اولانماز

بولاق آخیب گئری داها قایئدماز

حس جالانیب کونول اونی بوراخماز

دالغا چاتیب ساحل اونی ساخلاماز

من ئولموشم بیر حوصله وارینا

من دونموشم اندیشه نی وارینا

کوسمه کونول دالغا سالان اوزون سن

حس یارانیب داوام سالان اوزون سن

***