آغ رزینان بال آریسی

آغ رزینان بال آریسی

باهار اولوب وارلیق دویغو سالیب دی

حیات گئنه ایلگی لرین توتوب دی

ایلگی لری یئریشلرین باشلییب

قونوشماقی جوت اولماقی خوشلویوب

گوورچین لر کیشی آرواد دولانیر

قور قور سالیر بیر بیری نن خوشلانیر

باغ قیراغیندا آغ رز دا قوزانیر

چیچک سالیر گونش دن دا دادلانیر

ایندی آغ رز چیچکلرین سالیب دی

رایحه سین هر بیر یانا آتیب دی

بال آریسین چاغیریبان  توتوبدی

دویغو یئرین خورطومونا وئریب دی

بال آریسی آغ رز اوسته مینیب دی

یاواش یاواش قولاغینا دئیب دی

جان جان دئیب شیره سینی یئیب دی

آغ رزون دا جانی داها قیزیشیب

بال آری دان داها آرتیق ایستییب

بال آری دا بارماق لارین ایشله دیر

بولاق قویو نمنه تاپیر یئریدیر

تا که شیرین لیک داها آرتیق لاشا

آغ رز ایستیر وارینا وار قاتیشا

بئله اولا هر گون بئله قونوشا

ایسکی نن بیر اولوبان توتوشا

آمما بیردن هاوا قارانلیق اولدی

دومان قالخیب هر بیر یئرینی آلدی

بال آری سین آغ رز اوستن آپاردی

آیریلیقین آجی لیقی تاپیلدی

***