اوروجلوقوینان آیریلماق دیله یشی ( صحیفه سجادیه دن )

                        

 

دیله یش ( 45 )

اوروجلوقوینان آیریلماق دیله یشی

1 )– ای تانری! ای او کیمسه که ایشلیک آلماقا گویلون یوخدی .

2 )– و ای او کیمسه که عطا ائله ماقدان یورولماسان .

3 )-  و ای اوکیمسه که بنده لریین بارابار ایشلیک وئرمه سن و حققین نن چوخ ایشلیک اونلارا وئره سن .

4 )– سنین پایلارین ایلک و حقلی اولمامیشداندی و باغیشلارین احسانین ناندی، و آغریلارین عدالتدن، و بویروقون یاخشی لارا دی .

5 )– ای تانری! اگر بیر زاد وئر سن منتی نن اولماز، و اگر بیر زاد دان پای سیز ائده سن، ظلم و آغری نان دگیل .

6 )– او کیمسه که شوکورویون یئرینه گتیریر اوننان قدردانلیق ائدیرسن و بو بیر حالدادی که سن شوکور ائدماقی اونون کونولونه سالیرسان .

7 )– و بیر کیمسه که سنه شوکور ائده اونا ایشلیک وئریرسن، بیر حالدا که سن اوزون حمد و آلقیش اویره دیب سن .

 8 )– عیبلری و پیس لیکلری اورتورسن بیر حالدا که ایسته سئیدین آبیر آپارایدین، و باغیشلیرسان و عطا ائدیرسن بیر حالدا که ایسته سئیدین قاباغین آلاردین، و بوننان بئله که اونلارین ایکیسی ده آبیرسیزلیقا و قاباقلارین آلماقا یاراشیقلیدیلار، آما سن ایشلریین اوستونلوک و احسان پایاسینا قویوبسان و گوجلریین باغیش و گئچماق دا ایشله دیب سن.

 9 )– ای تانری! او کیمسه ینن که بویروقون نان چیخیب دوزوم و حوصله ینن توخونورسان و او کیمسه که ایستیر اوزونه آغری سالا مهلت وئریرسن و آغری سالماقیندا دوزوم ائدیرسن که سنه ساری قایئدا و اوچاغا کیمین که توبه ائده آغری سالماقیندا تلسمیرسن که سنین الین نن هلاک اولمویا و اوزی سوچلی اولا و پای لارین نان پیس پایلی اولا که تانری نین حجت و بونجاقلاری اونلارا قورتولا و باهانالاری قالمئیا و بو بویوک لیکلرین و باغیشلارین هاممی سی  سنین ان چوخلی باغیشلارین ناندی و سنین مهربانلیقیین فایدالاریدی ای حوصله لی تانری.

10 )– ای تانری! سن او کیمسه سن که بنده ین باغیش لارییان ساری بیر قاپی آچیرسان و اونون آدینی توبه قویورسان، و بو قاپی دان گئچماقا اوز وحی لرین نن یول گورسه دن قویوبسان که یولی ایتیرمه سینلر و بونا گوره، سن که آدین موبارک ، بویوروبسان تانریا ساری توبه ائدین ، توبه ای که سوچلارا قاییدماسین، اولا که تانرییز گوناهلارییزی باغیشلییا و سیزی او بهشت لری که اونلاردا آخارلی ارخلر وار آپارا .

 11 )– او گونده که تانری، پیامبر و اینام گتیرنلری آلچاق ائله مز و اونلارین ایشیقی ساغلاریندا و قاباقلاریندا یئری ماق دادی و اونلار دئییرلر : ای تانری، بیزیم ایشیقی بوتون ائله و گوناهلاری باغیشلا، نییه که سن هر زادا باجاریقین وار، ای الهی، بو قاپی نی آچان نان صونرا و وحی نن ایشلیک و یول گورسد مه آلاننان صونرا نمنه باهاناسی قالار او کیمسه یه که صون اوبایا گلماقدان قالیر و غافل اولور .

12 )– و سن او کیمسه سن که اوزوین واجب ائدیبسن که بنده لرین سن نن آل وئرده فایدا آپارالار و ایستییب سن که سن نن آلیش وئریشده فایدانالار و سنه چاتماقدا و سن نن آرتیق ایسته ماقدا اوستون اولوب و دوز یولدا اولالار، بئله ده سن اوزون که آدین اوجا و موبارکدی بویوروبسان هر کیمسه یاخشی ایش گوره اونا اون بارابار ایشلیک وار و هر کیمسه سوچ و گوناه ایشی گوره، گورومی و عملینه گوره آغری گوره جاقدی .

 13 )– بویوروبسان او کیمسه لرین اورنک و مثالی که ماللارینی تانری یولوندا داغیدیرلار او دنه کیمین دیر که یئددی سنبل گوردیب و هر سنبل ده یوز دنه سی وار و تانری هر کیمسه یه ایسته سه نئچه بارابار وئره ر و بویوروب سان که کیمدی که اوجا تانریا بورج وئره و صونرا تانری اونا نئچه بارابار وئره جاقدی، و ائله بو سوزلر کیمین که قرآندا یاخشیلیقلارا گوره یوللادیبسان .

 14 )– ای تانری ! سن او کیمسه سن که سوزلرین نن بنده لری گورسنمز عالمه یول گورسه دیبسن و ماراقلادماقینان اونلاری فایدالارینا ساری آپاریرسان که اگر بو حقلری اونلاردان گیزلد سئیدین گوزلری هئچ چاغدا اونلاری گورمزدی و قولاقلاری ائشیدمزدی و بئیـــــنلری اورایا چاتمازدی صونرا بویوردون: منی یادا سالین تاکه سیزی یاد ائدیم و منه شوکور ائدین و نانکور اولمایین و اگر شوکور ائدن اولساز پایلاریمی و نعمتلریمی سیزه آرتیررام و اگر نانکور اولساز سیزه بتر بیر آغری واردی .

15 )– و بویوروبسان چاغیرین منی تا قابول ائدیم سیزی، ائله او کیمسه لری که منیم قوللوقوما بویون توتورلار تئزلیقینان اونلاری اسکیکلیقا سالیب و آلچاقلیقینان جهنم ده اولارلار، دیله یش و دعانی بنده لیک و عبادت،  و اوننان آیریلماقی بویون توتماق آدلادیبسان و قورخودوب سان که دعادان آیریلماق سبب اولار که آلچاق لیق و اسکیک لیقینان جهنم ایچینه گئده رلر.

   16 )– بئله ده پایلارییان گوره یادا سالدیلار و پای و احسانلارین نان آلقیش ائله دیلر و بویروقلارییان گوره سنی چاغیردیلار و سنین یولوندا صدقه وئردیلر بئله پایلارین چوخ ایسته دیلر و بو یولون آغریلاریننان قورتولوش، و یاخشی یولدا سنین راضی لیقیین اله آلدیلار.

 17 )– و اگر یارانمیشلاریین بیریسی آییری بیر یارانمیشی، ائله سنین کیمی که بنده لریین یول گوستردین، یول گوسترسئیدیلر اوننان یاخشی ایش گورماق و احسانا تعریف اولاردی و پای ونعمت وئرنه آلقیش اولایدی، و هر بیر دیلینن آلقیشلانایدی بئله ده حمد و آلقیش تکجه سنین اوچوندی او یئره کیمی که بیر یول آلقیشییان آچیقدی و تا او یئره کیمی سنین آلقیشیین ائده بیله لر وبو ایشده بیر آنلامی وار که سنین آلقیشییان قایدسینلار .

18 )– ای منیم تانریم! سن او کیمسه سن که اوز احسان و پایلارین نان بنده لرین سنی آلقیشلادیرلارو اونلاری نعمت و پایلاریندا بوغوبسان، پایلارین بیزیم آرامیزدا نه بللیدی! پایلارین بیزلره نه چوخدی و یاخشی لیقین بیزه نه چوخ بلله نیبدی !

19 )– ای تانری! بیزی سئچیلمیش دینیین ساری و رضایتین اولموش یولا ساری و آسادیول و گئدیشه ساری و سنه یاخین لاشماق یئرینه ساری و کرامتین نن آلماقا ساری هدایت ائله دین .

 20 )– ای الهی! سن واجب گوروملریین ایچین نن اوروجلوقی بیللندیردین بیر آیی که او بیریسی آیلارا اوستون ائله دین و اونی هاممی چاغلاردان و دوورانلاردان انتخاب ائله دین و بونا گوره که اوندا قرآن و ایشیق یوللویوبسان بو آیی ایلین هاممی چاغلارینا قاباق توتدون و اینام ساخلاماقی بو آیدا چوخاددین و اوروج ساخلاماقی واجب ائله دین و بنده لری گئجه لر آییق قالماقا و بنده لیک ائدماقا ماراقلاندیردین و قدر گئجه سین که مین آیدان اوستون دی یاخشی لاددین.

21 )– ای تانری! بیزی بو آیا گوره آییری امت لره اوستون ائله دین و اونون اوستونلوک لرین بیزه انتخاب و سئچدین وبویروقوننان گونلری اوروج توتدوق و یاردیمینان گئجه لرین آیق قالدیق و اوروج توتماقینان و گئجه آیق قالماقینان اوزوموزی رحمتیین باراباریندا قویدوق و اونی بیر یول ثوابیان چاتماقا ائله دیک، آنبارلارین دولیدی اوزادلارینان که مئیللری سنه ساری چه کرلر و هر نمنه پایلارین نان ایسته نه، وئرنسن و او کیمسه یه گوره که سنه یاخین لاشماق ایستیر یاخینسان .

22 )–ای تانری! بو آی بیزیم ایچیمیزده دوزگون یئری واردی، و بیزی نن یاخشی بیر دانیشاندی و لاپ اوستون فایدانی هر ایکی دونیادا بیزه وئردی و او چاغدا که مدتی و چاغی قورتولدی و صونا چاتدی و گونلری صونا چاتدی بیزدن آیریلدی .

23 )– و بیزده اوروجلوقدان بیر حالدا که اوننان آیریلماق بیزه چتینیدی و بیزیم آرامیزدان گئدماقی بیزی قورخولی و غملی ائدیر و بیزه اولمالیدی که اوننان ایلقارلاریمیزی ساخلییاق و اونون حورمتینی ساخلاداق و اونون حققین و پایلارین ساخلاماقی اوزوموزه واجب بیلاق بئله ده بیز دئییریک: سلام اولسون سنه ای تانری نین بویوک آیی و ای تانری اولیالاری نین بایرامی .

24 )– سلام اولسون سنه ای لاپ یاخشی چاغلاری که بیزی نن واریدین و ای لاپ یاخشی آی، ساعاتلار وایاملارین ایچینده .

25 )– سلام اولسون سنه او آی که سنده ایستکلر وئریلر و یاخشی ایشلر اونون باشاباشیندا چوخدی.

 26 )– سلام اولسون سنه ای بیر یئرده اوتوران که وجودون دولیدی ده ییرلرینن و اولمامازلیقین آغری گتیرن و راحاتلیق آپاراندی ، وبیر اومود یئری که اوزاقلیق اوننان آغریلیدی .

27 )– سلام اولسون سنه که هر چاغدا سن نن اولورلار اوزگتیریرسن و سئوینج ائدیرسن، و او چاغدا که بیزیم یانیمیزدان گئدیرسن کونولوموزده قورخو و وحشت یارادیر سان .

28 )– سلام اولسون سنه ای قونشوایکه کونوللر سنده یوموشاق و سوچلار اوندا آز اولار .

29 ) – سلام اولسون سنه ای یاردیم ائدن که شیطانین باراباریندا بیزه یاردیم ائله دین، و سن ای یولداش که احسان و پای یوللارین بیزه آساد ائله دین .

 30 )– سلام اولسون سنه که تانری نین آغریلاریننان قورتولانلارین چوخی سنده دی و نه خوش پایلیدی او کیمسه که اوروج توتماقینان سنین حورمتیین ساخلادی .

 31)-  سلام اولسون سنه که چوخ سوچلاری آرادان آپاردین و جور به جور یانلیش و پیسلیکلری اورتدون.

 32)– سلام اولسون سنه که سوچلی لارین توبه ائدماقلارینا نه اوزاندین، و مومن لرین  کونولونده نه هیبت لیسن .

 33 )– سلام اولسون سنه که هئچ بیر گون سن نن قاباقا گئچماق باجاریقی یوخدی .

34 )– سلام اولسون سنه که هر زاددان ساغلام داسان .

35)–سلام اولسون سنه ای آی که سن نن دانیشیقلیق آغریسی یوخدی و سن نن اولماق پیس و بئیه نیلماز دگیل .

36)– سلام اولسون سنه که برکتلری بیزه گتیردین و یانلیشلاری سوچوموزدان یودون .

 37 )– و سلام اولسون سنه که آیریلماق سن نن داریخماقدان دگیل و اوروجلوقویون ترک ائدماق یورولماقدان دگیل .

 38 )– سلام اولسون سنه گلمه میشدن قاباق سئویملی سن و گئدمه میشدن کونول سیغینماق و غم گتیریرسن .

 39 )– سلام اولسون سنه که نه چوخ بلالار سنه گوره بیزدن اوزاقلاندی، و نه چوخ پایلار و یاخشیلیقلار سن نن بیزه چاتدی .

 40 )– سلام اولسون سنه و قدر گئجه سینه که مین آیدان اوستوندی .

 41 )– سلام اولسون سنه که دونن گلماقییان گوره تاماحلانیردیق و صاباح گئدماقین نان گئنه ده گورماقییان سئوینیریک .

 42 )– سلام اولسون سنه و اوستون لوگوین که اوننان پای سیز اولدوق و سلام گئچمیش برکت و پایلارییان که اوننان فایدالانمادیق .

 43 )– ای تانری بیز بو آیین اهلی و کیمسه لرییق که اوننان بیزه شرافت و اوستونلوک وئردین و لطفون نن اوروج توتماقدا بیزه یاردیم ائله دین بیر حالدا که پیس پایلار بو آیین ده ییرلی چاغلارین دوشونمه دیلر و یانلیش سالدیلار و پیس پایلیقلارینا گوره بو آیدان پایسیز اولدولار .

 44 )– ای الهی: سن بیزیم بویوگوموز و باشچی میز سان و بیزی بو آیی تانیماقا سئچدین و بیزی بو آیین عنعنه و آدابلارین نان تانیش ائله دین، و سنین یاردیمینان اوروج توتماق و گئجه لر آییق قالماقی آزجا اولسادا گوردوک و چوخ آز اونون گوروملرین نن یئرینه گتیردیک.

45 )– ای تانری بئله حمد و آلقیش تکجه سنیندی و ائله ده اوز پیسلیگیمیزه دانیشیریک و دئییریک عهد و ایلقارلاری کورلادمیشیق و کونولدن سن نن ایلقار باغلیریک و دوز دانیشماقینان و دیلینن سن نن باغیشلاماق ایستیریک بئله بونا که بو آییدا اسکیک لیق ائدمیشیق و اونی بیللندیریریک بیزه ایشلیک وئر که بو آیین اوستونلوگون و پایلارین جبران ائله سین و او زادلارین یئرینه که اونلاری سئویردیک اولسون .

46)– ای تانری بئله میزه قاپیندا باغیشلاماقی او اسکیک لیقلارا گوره که ائدمیشیق حاضیرلادگینان و بیزیم عومرومیزی تا گلن اوروجلوقا اوزاندیر، بئله اوچاغدا که بیزی گلن اوروجلوقا یئتیردین، ائله بیر بنده لیگه که سن اونا شایسته سن بیزه یاردیم ائله، و بیزی اوزادلارا گوره که سنه قوللوق و بنده لیک ده بو آییا شایسته اولا یاردیم ائله، و بیر یاخشی گورومی گورماقدا که سنین حققیین وئره  و بو اوروجلوق آییندا و گلن اوروجلوقدا بیزه عطاء ائله .

 47)– ای تانری، بویوک یاکئچیک سوچلاری که گورموشوق یا بیر معیصتی که گورموشوق و بیله بیله خطا ائله میشیق یا اونودماقدان اوزوموزه ظلم ائله میشیق یا بیر حورمتی که کورلامیشیق بئله ده محمد و اولادینا سلام و پای یوللا و اوز اورتوک سالماقینان هاممیسینا اورتوک سال و اوز باغیشین نان باغیشلا، و اونلاری داننییانلارین گوزلرینین قاباغیندا قویما، و طعنه وورانلارین دیللرین بیزه آچما، و بیزی اوز مهربان لیقیننان که قورتولوشی یوخدی و فضل و پایلاریننان که آزالماز ائله ایشه قات که او گورومی که سن بو آیدا اونی نهی ائله میشدین آرادان آپارا و اونا کفاره اولا .

 48 )– ای تانری ! محمد و اولادینا سلام و پای یوللا و اوروجلوقون گئدماقی نین آغریلارین بئله میزه جبران ائله و فطر بایرامین بئله میزه موبارک و قوتلی ائله و لاپ یاخشی زومار ائله که بیزه گئچدی تا بو که باغیش لاریین اله گتیراق و سوچلاریمیز آرادان گئده و گیزلین و آیدین سوچلاریمیزی باغیشلا .

49)– ای تانری! بو آیین قورتولوشوینان بیزیم گوناهلاردان گوز اورتگینان و چیخماقینان بیزی کوناهلاردان چیخاد و بو آیین آلقاشینان بیزی لاپ یاخشی خوش پایلیلاردان و فایدا آپارانلاردان و یاخشی قسمتی اولانلاردان بو آیدا ائله .

 50 )– ای تانری! هر او کیمسه که بو آیین حقلرین و اولاجاقین دوشونه و حورمتین یاخشی ساخلییا و اونون حکملرین و بویروقلارین یاراشیقلی ساخلییا و گوناه و سوچلاردان اوزاق اولا، یا بیر ایشینن سنه یاخینلیق آختارا، یا رضایتیین اله گتیره و رحمتین نن پای آلا، بئله وارلارییان بنزرلری بیزه ده پای وئر، و اوز کرم و پای لارین نان اونون نئچه بارابارین بیزه وئر نییه که سنین فضل و اوستونلوگون آزالماز و خزانه لرین آزالماز، ائله ده چوخالار و دوزگونلوکده احسان و پای معدن و قایناقلارین آرادان گئدمز و ائله سنین پایلارین ایچمه لی و گووارادیلار .

 51 )– ای الهی! محمد و اولادینا سلام و پای یوللا و بیزه ده او کیمسه نین ثوابین وئر که اوروج توتوب یا او کیمسه نین ثوابین که قیامت گونونه کیمین سنه قوللوق ائدیبدی یازگینان.

52 )– ای تانری! قاپیندا توبه ائدیریک و فطر گونونده که اونی مومنلره سئوینج و دین اهلینه توپلوم گونی ائدیبسن او سوچلاردان که گورموشوق توبه ائدیریک یا پیسلیکلری که گورموشوق یا پیس فیکیرلری که کونولوموزده واریدی او کیمسه نین توبه سی تکین که گوناهلارا قایئدماق قصدی یوخدی و توبه دن صونرا یانلیشلارینا قایدماز، خالص و شاشغیسیز، ای تانری بئله توبه نی بیزدن قابول ائله و بیزدن سئوینج اولگینان و بیزی بو توبه ده قالارلی ائله .

53 )– ای الهی! بیزه قورخونی او آغریلاریننان که وعده سین وئریبسن و وعده وئریلمیش گونونون سئوینج و ثوابین پای وئر تا اوزادین کئفینی که اوننان سنی چاغیریریق و اوزادلاردان که سنه سیغینیریک پیسلیکین دوشوناق .

 54 )– ای الهی! بیزی او توبه ائدنلردن ائله که محبتیین اونلارا اولمالی و واجب ائدیبسن و قوللوقویان قایئدماقی قابول ائدیبسن ای عادللرین عادلی .

 55 )– ای الهی! آتالاریمیز و آنالاریمیز و بیر دینلریمیزی و هر کیمسه که اونلاردان ئولوب و او کیمسه لری که قیامته کیمین دوغولاجاقلار هاممی سین اوز لطفون نن باغیشلا و گوناهلاریننان گئچ .

56 )– ای تانری! محمد و اولادینا سلام و پای یوللا او جوره که یاخین فرشته لره سلام یوللورسان اونا و اولادینا سلام و پای یوللا او جوره که شایسته و چیخارلی بنده لریین سلام و رحمت یوللورسان، ائله ده اونلارا اوستون سلاملاردان یوللا ای دنیالاری یارادان ، ائله سلامی که اوننان فایدا و برکت بیزه چاتا و دیله یشلریمیز قابول اولا، نییه که سن لاپ بویوک او کیمسه سن که اونا سئوینج تاپیرلار و لاپ دییرلی کیمسه سن که اونا توکل ائدیرلر و لاپ پای وئرن کیمسه سن که اوز پای و احسانیننان ایستیرلر و سن هر زادی گورماقا باجاریقلیسان .                     ***