کئفلی یم

  کئفلی یم اونودموشام صاباحیمی 

 کئفلی یم اونودموشام وارلیقیمی

 کئفلی یم قانانمیرام کیملیکیمی 

 بیر پیاله گئنه ده ایسته ییرم

 کئفلی اولماق منه عادت اولوبان 

 کئفلی قالماق منی راضی سالیبان 

 کئفلی حالدا منی سن ده گوروبان 

 سنه قوربان اولوبان ایسته ییرم

نه دئیم آغزیمدا دیلیم شئشیبان 

 نه بیلیم بئینیم پوکلماق اولوبان 

 نه ائدیم کونلوم سنی نن قالیبان 

یوخسولام ایندی سن نن ایسته ییرم 

 بو جانی دوستاقیندا ساخلادیسان 

بو جانی زنجیرله دیب باج آلیسان

بوجانینان کوسوبان آیریلیسان

سن نن بیر اولماقیمی ایسته ییرم

***