درباره من

رحمتلیک محمود صادق پورون کوچوم موناسبتینه ( شامی )
شامی یم اوزون ایللر سورموشم
سیناقلانیب سیناقلادیب گلمیشم
عومور بویی حق سوزلری دئمیشم
حق یولونی بللی ائدیب بیلمیشم
یازاریمی حق یازمادا سئومیشم
یازاریم نان طاماح دیشین چکمیشم
آنا بورجون آنا دیلده بیلمیشم
چالیشیبان بورج آلتین نان چیخمیشام
شامی یم اینامیمی سئومیشم
وارلیق اورتن اورتوکلری بیلمیشم
قاج منه زهر جامینی ایچیردیر
ایسته میرم زورون بونا بیلدیریر
هارون یولون قاجلار گئدن اولوبدی
کولتور وارین نان نفسین آلیبدی
هارون اوزون نن قورخمادان زهر وئریر
منیم قاجیم آرتیق وارلانماق سئویر
ایستکینه زهر جامینی دولدوروب
گوزلرینی وارلیقیما تیکدیریب
آیدین زهری کیمسه ایچر ، ایچمه رم
قاجدان قورخوب کولتوروم نن چونمه رم
قاج زهرینی قند ائیلییب یوللوری
آلدانیشدا باخیشلاری ساخلیری
دانانلاردان دایاق توتان اولماسین
شامی اولون سیزده وارلیق ساخلانسین
وارلیق بیزه آیدین نعمت آیه دیر
وارلیق اوچون شوکور ائدن بنده دیر
بنده لره بنده اولان اوتوزوب
دنیاسینی سون حیاتینا توتوب
یازارچیلار آنا دیله گووه نین
سیزده شامی ، وارلیق وارین بسله یین
***
دئیردی شامی
یارادیب ساخلادیب سوندا آپارار
بئجه ریب توره دیب وارین تانیدار
یاردماز هئچ عبث دئیردی شامی
تانرینی سئوگی تک سئوردی شامی
شامی نین سوزونده حیات واریدی
داورانیش معرفت حکمت واریدی
سوزلرین سوز اوچون دئمزدی شامی
وعده یه طاماحا اویمازدی شامی
کونلونون سوفراسین منه آچاردی
اوزگه لر آغریسین داها سایاردی
شامی ایستکلری سویون اولموشدی
سویوموز کولتورونده پارلامیشدی
یازیرام شاعیرلر بونی آنلاسین
شامی نین گئدیشین اویود ساخلاسین
اوزلرین سوزلرین پولا ساتماسین
کولتورون بوراخیب دلخوش اولماسین
التقاط یولونی آچیق لادیبلار
خالص اولماقلیقی سویدان آلیبلار
گئدیشی شامیدن گورنلر بیلسین
اوزلرین اوزگه یه پولا سورتمه سین
***




 

درج شده در تاریخ ۹۵/۰۴/۱۳ ساعت 20:09

کاربران آنلاین (2)

Ali Hatami