فریاده گلین نازلی نگاریم گئدیر الدن

فریاده گلین نازلی نگاریم گئدیر الدن

                    همدم اولوب اغیاریله یاریم گئدیر الدن

رفتاری گوزل نطقی گوزل باخماسی گویچک

                    آهو کیمی باخدیکجا قراریم گئدیر الدن

حسرتله قالار گوزلریم آخیر دالیسینجا

                    هجران یئلی اسدیکجه بهاریم گئدیر الدن

ناز ائیله سه نازین چکرم اول دئسه اوللم

                    یوخ چاره یولوم ،شعر و شعاریم گئدیر الدن

آواره قالان من ، غم عشقینده یانان من

                    آخر نه دئییم ، دارو نداریم گئدیر الدن

زلفون توکوب اطرافه گئییب جامعه زرین

                    آماده اولوب گئتمگه یاریم گئدیر الدن