چوخ دوشورسن یادیمه ای نازلی یاریم هارداسان؟...

چوخ دوشورسن یادیمه ای نازلی یاریم هارداسان؟
یاندیم هیجرانینده من ای گول عذاریم هارداسان؟

چون گؤزومدن گئتمیسن هیجرینده آغلار قالمیشام
یانددیریب یاخدین منی ای گؤز شراریم هارداسان؟

کیم سنی من تک سئوه ر هم سن بیلردین هم ده من؟
آختاریم هاردان سنی ایتگین باهاریم هارداسان؟

عشق صحراسینده من ایتگین دوشوب تک قالمیشام
جان بدندن چیخماق ایستیرای نگاریم هارداسان؟

دورماق ایستیر قان داماردا پیکریم ایشدن دوشوب
سسلیم هاردان سنی ای نازلی یاریم هارداسان؟

هرگئجه یادین سنین قلبیم ده دیر ای نازنین
گؤزلرین گتمیر گؤزومدن گؤز خماریم هارداسان؟