جاندان دوشردی کؤنلوم، جـانانه اولماسایدی................

جاندان دوشردی کؤنلوم، جـانانه اولماسایدی
چاتمازدی شمعه شهرت، پروانه اولماسایدی

تـئللر اسـیب سـالاردی عـاقیللری آیــاخـدان
زنــجیر زولفــه بـاغلی دیــوانه اولمــاســایدی

میخانه لرده باده مـوشکول دوشــه ردی یـاده
آهـو باخیشلی گــؤزلر خـمخانه اولمـاسـایدی

بــــاد صـــبا پــوزانــدا گیــــسولرین نــــظامین
اولمـازدی یـاره کـؤنلوم گر شـانه اولماسـایدی

مــنع شــراب ائـــدردیم زاهــد مـــثالی مــنده
پــیمانی سـیندیراردیـــم پـیمانه اولمـاسایدی

مــین درد عشــقه چــاره ائــیلردی بـیر اشاره
جـان دردیــنه گــؤزه للر بــیگانه اولمــاسـایدی

گـول تک گـولردی اوزلـر قان آغـلامازدی گـؤزلر
گـــوندن دورو حــقیقت افسـانه اولمــاسایدی

روحوم قوشون ائدردیم جان دوستاغیندان آزاد
حاجت بو جسـم آدیـندا زنــدانه اولمــاسایدی

گنج محبت عاصم سالمــازدی یئر اوره کـده
جانان یـولـوندا کــؤنلون ویـــرانه اولمــاسایدی