لاله تک من باغریمی قان ایله دیـم سن نیله دین ؟

          لاله تک من باغریمی قان ایله دیـم سن نیله دین ؟

          جانیمی اوُدلاردا بـیــریان ایله دیم ، سن نیله دین ؟

          غَم داغیدمیش چِهره می گیزلدیم هِی اغـیاریدن

          جَبریله سیمامی خندان ایله دیـم ، سن نیله دین ؟

          کـویوون تَرکین قیلیب مجـنـون سایاقــی قالمادیم

          چولــــرین حالین پریشان ایله دیم ، سن نیله دین ؟

          تا کی هیجران آتشی اوُد ویـــردی جانا دینمه دیم

          ناله می پیوسته پنهان ایله دیـــم ، سن نیله دین ؟ 

          تـا رقـیـب لــــــر آتـدیلـار تـیر جـفـانـــــی سَمتـووه 

          سینه می آمـاجه قَـلخان ایله دیم ، سن نیله دین ؟

          بیر کَـــره مُحـتـاج دیداریــن اولــوب سَن گلمه دین 

          نَقدِ جانی هـیـجره احسان ایله دیم سن نیله دین ؟

          کونلومون ایستک لــرین بیر بیر مـهـار ائدیــم اینان 

           اونلاری قلبیمده  زندان ایله دیــم ، سن نیله دین ؟

           چوخ زامانلارخلق ایچره تحسین اولدوم عشق ده

           صبریله دونیانی حیران ایله دیم ، سن نیله دین ؟

           اَل گــوتـــوردوم قَـهـریـدن بِـئـل باغلادیم رویالـره 

           عشقیمی صبریله میزان ایله دیم سن نیله دین ؟

           بـو فـلک دَن انـتظاری اولمادی سویـلـور ( کیان )

          بختیمی شعریمده دیوان ایله دیم سن نیله دیم ؟