زندان چکمیشم

زندان چکمیشم

ویرما هی دم چکمگوندان منده دوران چکمیشم

سفره ی دوران ایچینده زهــــرهجران چکمیشم

بیر پناهسیز کونلومه رحــــــم ائتمیشم اما نجور

چاتمیشام اود چیگنینه هی کوه سوزان چکمیشم

دیرناقیندان جانانیــــن باشینجـــــه هی یازمیشام

عرش و فرشین قامتینــــه قـــــدّ جانان چکمیشم

سانماسن کسسکلری، چوخ داشلاری آغلاتمیشام

داغ داشین سینــه سی اوسته خطّ گریان چکمیشم

من قوناقـــه میزبان حیــــدربابالــر چـــــــوخ اولوب

دامنینـــــده اونلاریـــن هی داد و افغان چکمیشم

چیریییب غمخانه لـــرازبسکه غملــــر توکمیشم

بی خبر گورسه بیرین مین درد، پنهان چکمیشم

پوزمیشام چوخ یازلاریـــن احوالینی شرمنده یم

بیــر لوواسیـــز قوش کیمی گوجــلی زمستان چکمیشم

روزگار آباد ائدیب خیلــک اورک لـــر ملکینی

من یازیق باخسون اورکده ملک ویران چکمیشم

یاز هواسیله تئزه بیـــر حـــال گلــه توولانمیشام

آمما هـــر واخ چاتمیشـــام داغ بهاران چکمیشم

گاه مکانی ترک ائدیب آیری مکانــــه گئتمیشــم

اوردادا باش وئرمییبدی لیک زنــــدان چکمیشم

هیسلنیب گاهی خبرسیزله اوتوروب دورمیشام

آمما صوندان چونمیشم چون پندعرفان چکمیشم

هرقـــده ر فتنه بلالـــر کی یاغیبــــدی باشیمـــه

چاره سیز قوش تک وئریب جانیمی قربـــان چکمیشم

" شامی" قورتار نیلییم درد و مصیبت چکمیسن

من بو جور احوالین اوسته خطّ بطلان چکمیشم