دردی اولام سوم شعبانیدی

ای دلِ دیـوانه دئنن یاحسین

گلمه دل افغـانه دئنن یاحسین

عاشق و مستانه دئنن یاحسین

دورمـا جداگانه دئنن یاحسین

گلسه اورک جانه دئنن یاحسین

سسلـه دلیرانه دئنن یاحسین *

 عشقیله مردانه دئنن یاحسین

دردی اولام سوم شعبانیدی

فاطمه نون منزلی نورانیدی

یعنی حسینون شب میلادی

 شیعه لرون رگده گزن قانیدی

به به حسین شیعه لرون جانیدی

سالدی بوگونن اوره گه شورشین

سنده اورکدن دیگونن یا حسین

دوشدی بوگونن گول آدی دللره

نصب ایدوب الله آدونی گویلره

گلدی ملایک هاموسی یکسره

قونداقونی شوت ایلیوب اوپ مه یه

چهره زیبای حسین گورمه یه  

گورنه سالوب عرشه حسین شوروشین

عاشقیسن سسله دینن یا حسین

کیمدی حسین شافع روز صلات

حسنونه  حیرته  قالوب  کاینات

امرینه  لبیک  دیر  شش جهات

دردی اولان گل آل حسینن برات

فطروسه اولده  وروبدور نجات

باب نجات امته اولدی حسین

دردون اگر وار دینن یا حسین

باب نجات آچدی خدا امته

حامل ایدوبدور آقاموی عزته

پنج تنون بزمی گلوب رونقه

ادونی ثبت ایله دیله لر بیرقه

فخر ایله ای شیعه بیله رهبره

حامی اولوبدی مکتب پیغمبره

 حضرت طاهایه اولوب نورعین

سسله اورکده دیگونن یا حسین

قربان اولاخ نام گهر بارینه

قلب شریفنده کی اسرارینه

رافت  رفتارینه  کردارینه

نکهت  گفتارینه  پندارینه

بابوالحوایج اولان عباسینه

داده چاغورساخ نظر ایلر حسین

عشقین اگر وار دینن یا حسین

مرحمتینده گوزی وار عالمون

شهرتی آفاقی دوتان حاتمون

حاجتی گر اولسا خود مریمون

ذکر ایلیر آدون او عیسی دمون

فخر ایدرایتسه کیم آدون زمزمه

باشدا  دیر بیرتوکی  مین مریمه

ای گوزل آدی هامی درده دوا

مرقدونون  تربتی  خاک شفا

بارگهی  منبع و جود و سخا

عاشیقون قلبینه لطف و صفا

حسنینه  حیرته  قالوب انبیاء

عالمی حیرتده قویوبدی حسین

عشقین اگر وار دینن یا حسین

عقل سنون مات اولور ایمانیوه

مات  اولور  ایمانیوه   ایثاریوه

بوسه  ورار حور وملک  آدیوه

حوری توکر گوز یاشی دامانیوه

جان جهان قربان اولا جاهیوه

جاهیوه  اجلالیوه  قربان  حسین

عرش دیور سنده دینن یا حسین

سینـون اگر غمللـره آماجیدی

واردی مریضـون اگر اِعلاجیدی

فاطمنـون اوغلینی داده چاغیر

چونکی آقـام دردلره حَلاجیدی

دکتری بوشلا دئگونن یا حسین

دکتر ئوزی شاهیمه محتاجیدی

گتمه طبیبانه دئنن یاحسین *

 عشقیله مردانه دئنن یاحسین

مطلبی.پریشان