یالوارما..........................................................

کونول،وفاسیز اولان نازلی یاره یالوارما                                نه اعتبار اونا،بی اعتباره  یالوارما 

داریخما،یاخشی،یامان روزگاریمیز گئچه جک                       بو بش گون عمره گوره روزگاره  یال     وارما

سنین ده بیرگون اولار نو بهارین،ای بلبل                             بو،ذووق سیز بو صفاسیز باهاره   یالوارما  

فقیره، عاجیزه،مظلومه احترام ائیله                                    عدویه،قان ایچه نه،ظلمکاره   یالواما  

وطن یولوندا اولوم مرد او چون سعادتدیر                            حیات او چون فلک کجمداره   یالوارما  

مخالف اهلینه باش اگمه،سن ده منصور اول                      اناالحق اوسته چکیلسن ده داره،  یالوارما  

نه اولدو دوولت جمشید،ملک اسکندر؟                               نه تاجداره،نه بیر شهریاره   یالوارما  

اگر حیاتینی واحد خوش ائتمک ایسترسن                          نه گول جفاسینی چک،نه ده خاره   یالوارما