من کؤرپه لیییمدن یاریمچیلیغام..

بوتون نه دئمک آنا؟
مهرین بیرینده دولمادی چانتام
یوخسوللوغومون آدینی بیلمه‌دیم
لهجه‌لی اؤیرندیم کیتابلاریمی
تاریخیمی
جوغرافیامی
یاریم یامالاق.
سوساندا گؤرونمه‌دیم
دانیشاندا کسیلدی دیلیم
آتام وارکن وطن
وطن اولاندا آتام اولمادی
آت اولاندا مئیدان
مئیدان اولاندا ...
تالاندی آروزلاریم
نه مئیدانیم اولدو
نه چاپدیراجاق آتیم.
یاریم قالدی کئچمیشیمده گله‌جک
بوتون نه دئمک آنا؟
من کؤرپه‌لیییمدن یاریمچیلیغام..!