شعر

بیرآز اؤنجه،
بولودلاری تزه چکمیشدیم
اولدوزلارین اوستونه
هله یاتمامیشدی پنجره، هله اویانمامیشدی دونیا
گئجه ایدی، گئجه
سنین گؤزلریندن بیرآز اؤنجه

هله بولودلاری یاغمامیشدیم
هله تانریلاری آغلامامیشدیم اوستونه
هله شعرلری یازمامیشدیم
اوخشامامیشدیم گؤزلرینه

سونرا یاغیش باشلادی
آلله ین کؤلگه سی ایدی سانکی
گؤزلرینده بولودلار

سونرا قار سونرا بوران
سونرا هر شئی باشلادی
گؤزلرینین آردیندان
گؤزلرین، آه گؤزلرین
اونلار باشلامیشدی چوخدان