سنی بیر توفان کیمی سئودیم ... ( ییلماز اوداباشیyilmaz odabaşı )

سنی بیر توفان کیمی سئودیم ...      ( ییلماز اوداباشیyilmaz odabaşı )

(مارتیلارگلمزکی سیزین اوردان، مارتیلار سیزیندی ای ائوینیزین اؤنونده دنیز

- بیزده اؤلن قارتال لاردان،داغلاردان سیزه خبر وئره ریک-

 بیر باخیملیق دنیز، بیر آووج ایمبات گؤندرمه دینیز)

1-

سنی بیر چیغلیق کیمی سئودیم، اوزانیب سسیمین آولولارینا سنده هر صاباح.

صاباح... سئوینجه بیر سئوگی ایله گئده ریک

سونرا دورور ویترینلردن، چیچکلره باخاریق

بوشلوقلار بیزه باخار

بیز چیچکلره

2-

سنی بیر قار کیمی سئودیم

اوشویه

اوشویه

ا...

   ری ... دیم

باخ کندلری ده، داغلاری دا پوزدولار

آیری یئل لر گئیدیردیلر کندلره

داغلارا آیری توفنگ لر

قالخ گئده لیم بورالاردان  گئده لیم

3-

سنی بیر گول له کیمی سئودیم

سن ایسه تتیکلریمی ازبرله ییردین

قیامت لر قوپارکن آلنیندان بو کندین

گئجه ایدی

بیردن...

سنی بیر توفان کیمی سئودیم

مارتی : دنیز قوشو

ایمبات: دنیز یئلی

http://www.antoloji.com/seni-bir-tufan-gibi-sevdim-siiri/

-آدربایجان تورکجه سینه اویغونلاشدیران: مصطفی شیخ پور