حیدر بابا

به نام خدا

سلام!!!!!

کی موافقه چند بیت از شعر های شهریار بگوییم به زبان آذری.

حیدر بابا،ایلدریملار شاخاندا،

سئللر، سولار شاقلیدایوب آخاندا،

قیزلار اونا صف باغلیوب باخاندا،

سلام اولسون شوکتوزه،ائلوزه

منمیده بیر آدیم گلسین دیلوزه.

حیدربابا،کهلیکلرون اوچاندا

کول دیبینن دوشان قالخوب،اوچاندا،

باخچالارون چیچکلنوب آچاندا

بیدن ده بیر ممکن اولسا،یادائله

آچیلمیان اورکلری شاد ائله.

بایرام یئلی چارداخلاری ییخاندا،

نوروز گلی،قارچیچگی چیخاندا،

آغ بولو تلار کوینکلرین سیخاندا

بیزدن ده بیر یادائلیه ین ساغ اولسون

در دلریمیز قوی دیکلسون داغ اولسون

حیدربابا،گون دالیوی داغلاسین

اوزون گولسون،بولاخلارون آغلاسین

اوشاخلارون بیر دسته گل باغلاسین

یئل گلنده وئر گتیرسین بویانا

بلکه منیم یاتمیش بختیم اویانا.

حیدربابا،سنون اوزون آغ اولسون!

دورت بیریانون بولاغ اولسون باغ اولسون!

بیزدن سوراسنون باشون ساغ اولسون!

دنیا قضو - قدر،ئولوم - ایتیمدی!

دنیا بویی اوغولسوزدی،یتیمدی!