دولتلی ایله کاسبین ده ده مالی بولمه سی

بیر دولتلی واریمیش بیر کاسیب

بیرگون کاسیب دولتلینین قاپیسین چالیب دئیر"گلمیشم ده ده مالیمیزی سنله بولک"

دولتلی دئیر" هانسی ده ده مالی؟سن کیمسن؟"

کاسیب دئیر" آتامیزدان قالان ده ده مالی . من سنین قارداشیوام."

دولتلی دئیر : من سنله قارداش دئیلم!

کاسیب دئیر: سنین ده آتان حضرت آدمدی منیم ده.اونا گوره بیز قارداشیق.آمما ندن سنین هرنیین وار منیم یوخ؟

دولتلی دئیر: ایندی بولدوم و اونا بیر سکه وئرر.

کاسیب دئیر: بیر بئله پولونان منه بیر سکه وئریرسن؟

دئیر:سسین چیخاتماکی اوبیری قارداشلاریمیز بیلسه لر او بیر سکه ده سنه یئتیشمز.