زلیم خان یعقوب دان چوخ دیرلی و معنالی بیر شعر:
قاییداق اوّل کی خاطیره لره
بو گونده‌ن صاباحا اوزانماسن ال،
هله صاباحلارا باش وورمایاق گل،
نئجه یاشامیشیق میلیون ایل اوّل،
گولـلـر شئهه باتسین، چیچه‌کله‌ر زره،
قایداق اوّل کی خاطیره‌له‌ره،
ایلک سئوگی چیچه‌یی هاردا آچیلیب،
کیمین چین گؤیه‌ریب چمن بیر اینجی،
سئودا یوللارینا جان آتان گؤزل،
نه سن بیر اینجی سن، نه من بیر اینجی،
آنالار نه قده‌ر اوغوللار دوغوب،
مجنون‌لار دوغولوب بلکه مین کره،
قایداق اوّل کی خاطیره‌له‌ره،
عشقین سارالمایان چؤهره‌سی سن اول،
توخومو من اولوم، پؤهره‌سی سن اول،
آشیق بیر هفته‌لیک داستان باشلاسا،
طاهیری من اولوم، زؤهره‌سی سن اول،
شئهلی چمه‌نله‌ردن گل دره - دره،
قایداق اوّل کی خاطیره‌له‌ره،
آلدادان، آلدانان، ساتدبران ساتان،
دونیانین ایشله‌ری مزه‌دی هله،
اینسانین اینسانا موناسیبه‌تی،
تیکان دی، قاندالد، نئیزه دی هله،
کؤهنه خاطیره‌له‌ر دینسین، دانیشسین،
تزه خاطیره‌له‌ر تزه‌دی هله،
قایداق اوّل کی خاطیره‌له‌ره،
بو گون کی سئوگیله‌ر خاطیره‌له‌شمیر،
بو گون خاطیره‌یه دؤنمه‌ک چتیندی،
سویوق اوره‌کله‌رده اؤلور دویغولار،
ایستی اوره‌کله‌ره ائنمه‌ک چتیندی،
آغریدان، عذاب دان، یاس دان، قایغی دان،
دانیشماق چتیندی، دینمه‌ک چتیندی،
اؤز سئوگی پاینی گؤتورسون هره،
قاییداق اوّل کی خاطیره‌له‌ره،
منیم بو کؤلگه ده بیر خاطیره‌م وار
ساخلایا بیلیردیم واختی، ساعاتی،
یاشاتا بیلیردیم عؤمرو، حیاتی،
شیرین بیر اوخشاما، کؤوره‌ک بایاتی،
بوتون عؤمروم بویی اونوتمادغیم،
واختین اللـریمه کئچدییی چم وار،
منیم بو کؤلگه ده بیر خاطیره‌م وار،
باشیمین اوستونده بارلی بیر بوداق،
بوداغین آلتندا اودلی بیر دوداق،
ایلله‌ردی آغلاییر اوردا بیر بولاق،
یارپاقلار اوستونده هله ده نم وار،
منیم بو کؤلگه ده بیر خاطیره‌م وار،
اوز کؤزه دؤنموشدی یاناقلار زره،
آرخادا اوچوروم، قارشیدا دره،
هر اینسان عؤمرونون خاطیره‌له‌ره،
یئتدیگی مقام وار، چاتدیغی دم وار،
منیم بو کؤلگه ده بیر خاطیره‌م وار،
بورونوب غرق اولوب یاشیل تللـه‌ره،
نغمه تک آخاردی صاف کؤنوللـره،
حئیف تئز قاریشدی سولان گوللـره،
ایندی اوزاقلاردا بیر بختی کم وار،
منیم بو کؤلگه ده بیر خاطیره‌م وار،
توتور بیلدییینی یارادان خالیق،
ائله بیل دریادان آیرلیر بالیق،
یاش کده‌ر گتیریر، زامان قوجالیق،
گؤزومده حسره‌ت وار کؤنلومده نم وار،
آغاج کؤلگه‌سینده بیر خاطیره‌م وار،
منیم بو کؤلگه ده بیر خاطیره‌م وار،
" زلیم خان یعقوب "
ترکی آذربایجانی
تورکجه شعرلر
حکایت لر
اعضای انجمن(160)
njafari )
خانه
مطالب(44)
دوستان (130)
گالری تصاویر (37)
کلیپها (4)
نظرسنجی (0)
سایت و اپلیکیشن آموزش زبان انگلیسی urg.ir
چگونگی درج آگهی در سایت و قسمت تبلیغات
تلگرام 
فیسبوک
تویتر