لاغ

لاغ

ایندی لیک ده هر یانا گئدیرسَن، دولانیرسان عجیب غریب سؤزلَر قولاق لاریمیزی قیزدیریر_ ایستیرسَن اؤز دیلینده یاخچی دانیشاسان، سوروشورلار: سیز شوروی دَن گَلیب سیز؟ گَل ایندی یومورتانی دویون له کی آی بابا 20 ایلدَن آرتیق دیر شوروی تاریخ زیبیل قابیسینا قووشوب و ….. یا ایستهَ ییرسَن آنا _ آتا کلمه لری ایشلهَ ده سَن بیر تحصیل کرده دویمه لی کؤینَک گِئیمیشه راست گَلیرسَن و سَنهَ دِئییر : سن پان تورکیسم سَن و…. یا تیراختور مسابقه سینده ن چیخیر کَن هیجاندان باغیریرسان: یاشاسین تیراختور _ یاشاسین آذربایجان بعضی لر سَنین قولوندان توتوپ دِئییر: امنیت ملی نی مختل اِئله دین. گَل بی یول بیراز گیجَل،بیراز قیزار بیراز تومانینی باتیر و……

مَنیم بؤیوک آنام اینقیلاب زامانیندا بیر آز غلیظ دانیشاردی یعنی هَلهَ هَلهَ فارسلاشمامیشدی، سوسوزاندا دیَئردی: آی اوغول بیر بارداق سو گََتیر….. وای مَنیم آنام پس اُو زاماندان پان تورکیسم اولموشدو بیزیم ده خبریمیز یوخ!!

یا اوستاد شهریارین آناسی اونون شعرلرینده ن باش تاپمایاندا اوغلونا دئییر: شعر دِئیسَن من کی قانمیرام! بو حسابلا اوستاد شهریارین دا آناسی پان تورکیسم ساییلیر و چون اوغلونو یولدان چیخاردیب "حیدر بابا یا سلام" شعرینی دِئسین امنیت ملی ده حتماً مختل اولدو یعنی دا امنیت قالمادی! و اولار داکی اؤز شهرلریندن و کندلریندن آیریلمیرلار و آذربایجانین یِئرلَرینی اولویت ده گؤرورلر "تجزیه طلب" حساب اولورلار!

آمما بوراسیندا قالمیشام اولاری کی غلیظ فارسی داینشیرلار، فارسی شعرلرینی اول ده گؤرورلر شیرازا، اصفهانا یِئتیشیرلر "خلیج همیشه فارس" تعصبی چکیللَر نَدَن اونلارا پان فارسیسم دِئمیرلر…….!؟

هله بیرآز دا اونلارا هنرمند دِئییب بویونلارینا گیرده گول سالیرلار! منیم بو قیسسا فیکریمی بو سوال لار بَتَر قاریشدیریب، ایران مگر هامینین ده ییر ……….؟ ندن بِئله اولوب؟ چوخ دانیشماساق یاخشی اولار اوندا بیز ده پان تورکیسم، تجزیه طلب، تبانی بر علیه امنیت ملی بیلمیرَم...بوجور سؤزلردن، اولاریق...آی تانریم .