ائلی بیه نمیر

ائلی بیه نمیر 

آمان آللاه ائله دءونوب زمانه. 

گول بولبولو بولبول گولی بیه نمیر. 

بالاغ تک باتلاقدا دوشوب چیمنلر. 

تاپیب سونا حامام گءولی بیه نمیر. 

آلتی آیدیر گلیب وئران تئهرانا. 

داراییب تئللری توکوبدور یانا. 

یاسدی یاسدی لیحاف دئییر یورغانا. 

دسته اءوپوش ویریب الی بیه نمیر. 

آتیب کور اوغلونو آتیب نیگاری. 

ساتیبدیر ناموسی عاری ووقاری.

بو سونسوز دونیانین یوخ اعتباری. 

ایندی عاقیللینی ده لی بیه نمیر. 

آتیبدیر وطنین گوهرین لعلین. 

اءوزوندن آلچاقا آچیبدیر الین . 

بولبول تک دانیشیر یادلارین دیلین. 

آنا اءورگتدیگی دیلی بیه نمیر. 

آیریلماز پول اولوب اینسان ویجدانی. 

آزدیریب یولوندان ثیروت اینسانی. 

چوخلاری اونودوب آزربایجانی. 

نبی لی بابک لی ائلی بیه نمیر. 

آیریلماز