شاعیره خدیجه سلطان خانیم کیمدیر

«اودلار دیارینین آدیله»

شاعیره خدیجه سلطان خانیم کیمدیر؟

آراشدیریب و یازان: قارتال قاراباغلی

°••°

  شاعیره خدیجه سلطان خانیم داغستانی

دوغوم تاریخی:15 اینجی عصر

آتاسی:حسنعلی خان داغیستانی

فعالیتی:شاعیره

خدیجه سلطان خانیم حسنعلی خان داغیستانینین قیزی،«ریاضوش شعاره»نین موعلیفی نین علیقلی خان والحین عمیسی قیزیدیر.
عمیسی اوغلو ایله سئویشمیش،اونونلا عینی بیر مدرسه ده تحصیل آلمیشدیر.
شاعیره،نادر شاهین حاکیمیتی دورونده ایرانین اصفهان شهرینده یاشامیشدیر.
اؤلوم یئری و تاریخی حاقیندا معلومات یوخدور

آشاغیداکی شعیرلر شاعیره خدیجه دن‌دیر کی اوستاد آشیق کماندار افندایف ساز هاوالاریلا ایفا ائدیب
و چوخ گوزل اوره‌ییه یاتیملی ایفا ائدیب،بورا قدر یانلیز اوستاد کماندار شاعیره خدیجه‌نین شعیرلرین اوخویوب منده کماندا بابانین دیلیینن ائشیدیب یازمیشام،
و بونودا علاوه ائدیم کی اوزان،قوپوز آلاهی اوستاد کماندار شعر سئچیمینده چوخ حساس اولوب و هر شعری ایفاائتمه‌ییب شاعیره خدیجه،و اونون شعیرلی چوخ گوجلو و گوزل اولوب کی اوستاد گوزل سسیله  ایفا ائدیب و خالقا چاتدیریب،
هر ایکی اوستادا تانریدان رحمت دیلیرم،
شعیرلردنده گورونور کی شاعیره دورونون تانینمیش شاعیرلرنن اولموشدور،آما حیف حیفلر اولسون کی شاعیره‌نین دوغوم،اولوم یئری و تاریخی و حیاتی بارسینده اطرافلی معلوماتلار یوخدور،یانلیز بو منه معلومدور کی17اینجی عصرده نادیر شاه زامانی یاشامیشدیر

واوماریم سونرالار تاریخ و علم بیزه اذن وئره کی شاعیره بارسینده داها آرتیق و اطرافلی معلوماتلار الده ائدیب و سیز عزیز اوخوجولارلا پایلاشیم،

یازیب آراشدیران:«قارتال قاراباغلی»

شاعیره خدیجه نین شعیرلری اوستاد آشیق کماندار افندایف دیلیله:

«داغلار»

 

مست اولدوقجا خوش عطرینن

طاقت گلدی دیزه داغلار

کونول قوندو زیروه‌لره

نور چیلندی گوزه داغلار

ائندیم بری گؤی یایلاقدان

ایچه ایچه بوز بولاقدان

سیزه مهمان اولان واختان

عشقیم چیخدی اوزه داغلار

چیخا بیلسم یاشیل دوشه

نفس آلام داشدان داشا

چمنینده گئتسم هوشا

عمروم چاتار یوزه داغلار

دره‌ن درین،ذیروه‌ن اوجا

باخیم سنه قؤی دویونجا

قوینوندا‌ چوخ گزیب«خدیجه»

بو گلیشیم تزه داغلار

یازان:خدیجه سلطان خانیم

.

«جانان کیمدیر»

 

دونن کن طالعدی یوخسا زمانه

سؤیله‌دیکجه موشکول دردی قانان کیم

فلک هئی قونداریب اوخو کمانه

بیلمک اولمور یامان کیمدیر یانان کیم

جاوانلیقدان قالدیم غمده قارادا

توکولدو قالمادی نیسان قورادا

صدقیله چاغیریرام مردی مورادا

موشکولری آنان کیمدی سانان کیم

غصه کدر بورویوبدو جیسمیمی

هار ائدیرم چیخارماقا سسیمی

«خدیجه‌»یم کیمله چکیم بسیمی

جلاد کیمدیر بودونیاده جانان کیم

یازان:«خدیجه سلطان خانین»

 

.

«بیزیم ائلرده ائلرده»

 

عمروم گونوم عمر ائدسن

بیزیم ائلرده ائلرده

شان شوهرتین سوز صوحبتین

گزه دیلرده دیلرده

اله دوشر وصال چتین

قؤی یاشاسین محبتین

تبّسومون ملاحتین

بولدو گولرده گولرده

«خدیجه» دئیر عمر بیردی

سئوینج وئردیم،غم گتیردی

من قازاندیم او ایتیردی

قالدی ایلرده ایلرده

یازان:«خدیجه سلطان خانیم»

.

 

ندن بئله آه زارلیسان

چاتیلیبدی قاشین داغلار

عضمتلی ووقارلیسان

چوخ اولسادا یاشین داغلار

یاماجینی کول کوس توتوب

زیروه‌نن قارتالار اوچوب

اتینده گولر آچیب

دومان،قاردی باشین داغلار

شوخ گوزلر سنده گزدی

گول چیچگینی تئله دوزدی

«خدیجه»یه، چوخ عزیزدی

عادیجه بیر داشین داغلار

.

 

من ساقیام،شراب حاضیر،

تشنه عاشیق،باخ آب حاضیر.

لعل دوداغیم سودور سنه،

بویور منیم لعللریمه.

گوزلیین قارشیسیندا،

گونش اوزو نه کاره‌دیر.

بویور منم،عمر گئدیر

بویور منم،گونش حاضیر

«خدیجه سلطان خانیم»

 

آراشدیریب و یازان: قارتال قاراباغلی

www.olom.miyanali.com

 

Telegram:@aqh_qara