سئوگی: سئوگی آیریلیقدان گوجلودو واللاه (بابا وزیراوغلو)

من اوزاق سفره یوللانان گمی                                          
سنی ترک ائدیرم بیر لیمان کیمی
قورخما آیریلیقدان بیراخ الیمی
سئوگی آیریلیقدان گوجلودو واللاه

دونیادا نه قدر سئوگی وار بیلکی
سن منیم دیلیمین ازلی ایلکی
قورخما آیریلقدان اؤلوم دییل کی
سئوگی آیریلیقدان گوجلودو واللاه

سن هله بیلمیرسن آیریلیق نه دیر
هر سفر کؤنلونو سیخیر اینله دیر
آیریلق جیسمیدیر روح سنینله دیر
سئوگی آیریلیقدان گوجلودو واللاه

سنسيز حيات دئييل عؤمور گون منه

تك سن‌سن اوره‌كده‌ن يانان سن منه

قورخما آيريليقدان اينان سن منه

سئوگي آيريليقدان گوجلو دو وآللاه

قورخو اینتیظار واراقلار گؤزونده
نئچه یالواریش وار بیرجه سؤزونده
بیر گون بیله جکسن ائله اؤزونده
سئوگی آیریلیقدان گوجلودو واللاه

چاغير قاناد چاليب اوچوب گله‌ره م

نئچه آيريليقدان كئچيب گله‌ره م

اؤلومون الينده‌ن قاچيب گله‌ره‌م

سئوگي آيريليقدان گوجلو دو وآللاه

نه فرقی یاخینام یا اوزاغام
هله کی سنینم نه قدر ساغام
اؤلسم او دونیادان قاییداجاغام
سئوگی آیریلیقدان گوجلودو واللاه

گؤز یاشی عبثدیر توکوب گئدجم
کؤنلومو اودلارا یاخیب گئدجم
من سنه هاممییا ثبوت ائدجم
سئوگی آیریلیقدان گوجلودو واللاه