شجاعت احمداوون، قیسساجا یاشامی حاقدا.

شجاعت احمدلی

شجاعت دن یازماماق گوناه دیر.

شجاعت ماحمود اوغلو احمداو قوزئی آذربایجانین کلبجر شهرینده 1943نجو ایلده آنادان اولموشدور. شجاعتین عمرونون ۸ ایلدن چوخو قارانلیق تورمه لرده(دوستاق)  کچیب.آما تورمه لر شاعیرین قطعیتینی قیرا بیلمییب.عکسینه بیرآزدا محکم لشدیریب.شجاعتین شعرلرینده حاقسیزلیغا و عدالت سیزلییه قارشی بیر عصیان وار. اینسان همیشه غمدن کدر دن قاچماق ایسته ییر، لاکین شجاعت عؤمور بویو غمی اؤزونه دوست سئچیب.کدر سیز، شجاعت زیروه لنه بیلمزدی. شجاعت محبت شاعیری دیر.اونون یازدیقلاری هئچ کیمه بنزه مه دیگی کیمی محبتی ده بنزرسیر اولوب. اونون محبتینده کرم یانغیسی و مجنون ناکام لیغی وار. همیده شجاعت وطن شاعیری اولوب او واختیلا میللتلرین دوستاغی اولان شوروینین دوستاقلاریندا وطن دردی چکیب، ائله جه ده او دوستاق شاعیری کیمین ده آلغیلانیبدیر.اونون وطنه ده بنزه رسیز شعرلری اولوب.
شجاعتین اثرلری:
- سن آغلاما من آغلارام
- دلی داغین دلی لری هردادیر؟
- شجاعت اونوتما سن.
شجاعت 2002نجی ایلده 59 یاشیندا گنجه شهرینده وفات ائتمیشدیر. روحو شاد، یولو داواملی اولسون.

ایندیسه شجاعت دن بیر گوزه ل شعر :

 

گئدن لری آندا وئریب یولوندان                                                                

ساخلاییرام یاتمیرام کی گئجه لر

دوز آلتمیش مین گؤز گؤز اولان یارانی

باغلاییرام یاتمیرام کی گئجه لر

 
یورد یووامیز وئران اولوب تالانیب

بولاق لارین نغمه سیده بولانیب

آددیم آددیم او داغلاری دولانیب

یوخلاییرام یاتمیرام کی گئجه لر

 
چوخ یانمیشام اولمامیشام بئله من

درد چکمیه یارانمیشام ائله من

گاه دونورم آشیب داشان سئله من

چاغلاییرام یاتمیرام کی گئجه لر

 
طالع میز، دردیمیزی قودوردوب

وطن دردی شجاعتی اوتوردوب

بالالاری گوله گوله یاتیردیب

آغلاییرام یاتمیرام کی گئجه لر