بیر گون منی قانداللایاجاقلار، کئفیم اولسون!

بیر گون منی قانداللایاجاقلار، کئفیم اولسون!

دوستاقلارا پای یوللایاجاقلار، کئفیم اولسون!

***
آرخامدا چوخور باختیما نیسگیل دولاجاقدیر

کؤلگه‌مده اؤلوم یاللایاجاقلار، کئفیم اولسون!

***
بیر قورخو اؤلوم گلدی اجل تابوتو داندی

مرمی‌یله یاشام توللایاجاقلار، کئفیم اولسون!

***
من گؤینه‌ییره‌م ائل یاراسین درد تاماهیندان

کؤکسومده شافاق ساللایاجاقلار، کئفیم اولسون!

***
ائل ساغلیغینا آغری ایچیب کئفله‌نیره‌م من

قان قورشاغیمی خاللایاجاقلار، کئفیم اولسون!

***
دای سئودا نه‌دیر؟دار باجاسیندان ایشیق آلماق

اول گون کی گونش داللایاجاقلار، کئفیم اولسون

 

 عیسی زینی