رامین (یاشار):کؤنلوم- آی مندن اؤتور شن گونو مینلر پارا کؤنلوم

کؤنلوم

آی  مندن  اؤتور شن  گونو  مینلر  پارا  کؤنلوم

اووجومدا  سینیب  لال  شهرین  دردینه  دؤندون

سسسیز  جیغیریب  کار  سینمین  اؤرتویونو"بیرهایا  سؤکدون

هاردان- هارا کؤچدون

یورغون  کوچلرده  کیرینن  آرزیمی  گؤرجک

نیسگیل  نیشانیمدان  باج  آلیب  عشقه  بوروندون

گؤرکملی  - گؤروندون

ظولمت  قاپیمی  آیدینلیغا  آچدین

توتقون  دیلیمه  سؤز  چیلییب  آیبیمی  اؤرتدون

سؤیله  نه یه  آچدین-نه یه اؤرتدون

بیلمزمی ییدین  دوستلوغونا  هئچ  چیخاریم  یوخ؟

سندن  کوسولوب  تک  قالالی آه" تورا  دوشدوم

یئرلرده  سوروشدوم

قانقالا  اؤپوشدوم

آزادلیق   آدییلا" دوستاقلارا  دوشدوم!

دوشدوم  نئجه  دوشدوم!

پیس  گونده  گؤروشدوم

سن بیل  کؤزرییب  شعرینی  اوددان  کئچیرن  سئوگینه  سوسما

یوردوندا  یارانمیش  سئویمی  سیخما  قوروتما

وورغونلوغو  آتما

سال  چؤللره" قوی( رامین)ی  چیلقینلیق  آپارسین

بیرلش( یاشار)ینلا سنه چوخ  قایغیسی  واردیر

شاعیر  اولا  بیلمزسه ده  آغلار  گؤزو  واردیر

http://raminyashar.blogfa.com/post/17