بیر نءچه شعر

من یاپراقام سن بوداغیم

من چیچه گم، سن یاناغیم

گویده اولدوزدان چراغیم

منده ن اوزاق گزمه باری

من عاشیقام ،سنده سازیم

قارلی داغام ،سنده یازیم

هاوالاردا خوش آوازیم

دولان بیرده بیزه ساری

داغ باشیندا آغ دومانام

داماریندا گزه ن قانام

عشق اودونا قویما یانام

سنسیز عومور اولدو یاری

سنه چاتان یوللار اوزاق

قویما یولا بیز اودوزاق

غم ، غصه نی بیرلش پوزاق 

خوش اءلییک زوزگاری      

پریسا( هجران )

______________________ 

میزرابیم توخونما تارین تءلینه

قورخورام پرده لر، سیملر آغلایا

کوزه ره اوره کده کوهنه لمیش کوزوم

یارالار دءشیله، گوزلر چاغلایا

دینله منی میزراب، دینله منی تار

غم قورقوشوم تک ، سینه مده قاتار

بءله گءچسه عومور گونشی باتار

یازدیرین یازیمی آق واراقلارا

پریسا ( هجران )