مقام پنج تن آل عبا(ع)

مقام_پنج_تن_آل_عبا(ع)
 
قادر الله یارادیب گؤلری یدّی طبقه
نقش ائدیب عرشده بئش شخصین آدین بیر ورقه
یعنی افضلدی بو بئش شخص هامی ماخلقه
آدمی خلق ائلیین وقتیده خللاق جهان
عرش اعلاده بو بئش شخصی اونا وئردی نشان
 
بیری پیغمبر اکرمدی اوشایسته مقام
مرتضی دی بیرسی اولسون اومولایه سلام
بیریده حضرت زهرادی که دنیاده تمام
بیر بیلک عالم امکان کی گلیب ایجاده
یادانانلار اوناخاطر یادانیب دنیاده
 
یازمیشام سوزلری البته کی چوخ مختصری
ایکی شهزاده سی تکمیل ائلییر بئش نفری
بولارین تک تکینه واردی خدانین نظری
بیری مولامیز حسندی اوایکی محترمین
قلم عاجزدی اونون یازماقا لطف کرمین
 
بیریده شاهِ شهیداندی چوخ احسان ائلییر
بَله  داغلاردان آغیرمشگولو آسان ائلییر
چارسیز دردلره قادردی اودرمان ائلییر
خلق ایچینده بو گوزللیکده اونون شوکتی وار
اذن خللاقیله هر ایشده اونون قدرتی وار
 https://eitaa.com/ASHAR_PASHA