اوردا

بیرده کاش اولیدیم من اوردا یایی
بوغدا. زمیسینده سالیدیم هایی
آزینان گومچگلن گوییدیم چایی
قارا چایدان او جاغ اوسته جوشیدی
کوپوکلنیب لولوگونن داشیدی

آتیدیم چای اونی قوییدیم دئمه
ایشیق گونی قارا ائدیدیم غمه
نه بیر غم اولیدی اوردا نه بیر واهمه
نه تهران بیلیدیم هاردا نه تبریز
نه مالیات اولیدی نه عوارض

ویریدیم یان یانا بیر نچه باغی
سانجیدیم اوستونه کسگین اوراغی
دوتیدیم یاندیخدان اودم سوراغی
آچیدیم آغزینین قتمه ساریغین
بوشالدیدیم چورگ اوسته قاتیقین

نینیم آرزولار دیلده قالاندی
شهریار دؤز دئیب دنیا یالاندی
هر کیمسیه هرنه وئریب آلاندی
(پاشا) سن آه اوسته قالاما آهی
سووشان گون دالی قایتماز داهی