قارا کوینک

بوقاره کؤینگی یاران آنام اؤرگتدی من گئیدیم

یوووُب هرایل قُلابیلن اؤپؤبدوگئتدی من گئیدیم

**

دئدی اوغلوم بوکؤینکدن ال اؤزمه پر بهادیر بو

محرم ده هر ایل سن گئی هامی درده دوادیر بو

علاجسیز دردلره درمان ائدر والله شفادیر بو

اونون من اللرین اؤپدوم دئدیم مِنّتدی من گئیدیم

بوقاره ایلیییر اعلان محرم دی محرم دی

بوقاره ایلیییر اعلان بیلون کی ماه ماتم دی

بوقاره ایلیییر اعلان که یعنی سینه پر غم دی

بوقاره کؤینگه پاداش یقین جنّتدی من گئیدیم

بوقاره کؤینگیم یاران بیوک بیر امتیازیم دی

بو قاره کؤینگی منن قویون قبره نیازیم دی

بو قاره روز محشرده منیم الده جوازیم دی

بوایلده اؤلمدیم قالدیم یقین قسمتدی من گئیدیم

(پاشا) بوقاره کؤینک کی گئییبسن افتخار ایله

شهیدلرشاهینی یاد ائت اؤزه اشگؤن نِثار ایله

نه قدری غُصه و غم واردی قلبونده کنار ایله

دئنن بوقاره کؤینک بیر بوُیوک عِزّتدی من گئیدیم

ASHAR_PASHA@