شعر ترکی

 

            (( آیرلیق نامه سی ))///

 

قولاق آس سوزلریمه ای دلی جیران گئدیرم ///

قالماقا یوخدو  ماجال ای گول ریحان  گئدیرم ///

 

 گوز یاشین توکمه کی من گئدملییم آخیرته ///

آیرلیق نامه سینی آل سنه قوربان  گئدیرم ///

 

سوزلریم یئل کیمی اسدیقجه عطیرلر گتیرر ///

قوی قالا سیزلره بو  باغ گولستان  گئدیرم ///

 

یازدیغیم  سوزلریمی  قویما کتابلاردا  قالا ///

هره سین بیر نفره وئر گیلن احسان گئدیرم ///

 

 

سیزلرین حرمتینه عمرومی اتحاف ائله دیم ///

اورگیمده آخیری سئل سایاقی  قان گئدیرم ///

 

دولوری یازیقیا  هر  گونده  یازان  دفتریمیز ///

بو کونول دریاسی دا  ائیله سه طوفان گئدیم ///

 

سیزه البته قالار نسگیلیم ایل لر بویوجا ///

نئجه کی قالدی منه نسگیل جانان گئدیرم ///

 

گونلومون آباد اولان گوشه سی ویران اولوری///

ائله بیل گئلدی اجل نامه ده  فرمان گئدیرم ///

 

امیدیم  واردی منه سیزده حلال لیق وئرسیز ///

بلکه راحت اولا بو سینه ده   وجدان گئدیرم ///

 

منده سیزدن الیمی اوزمگه آماده  اولوم ///

گوزومه  اولدی عیان جنت رضوان گئدیرم ///

 

*درویش *ین بو  غزلین  سیز اوخویون دوست لارینا ///

اوخویار لار  منه چوخ  آیه ی قرآن گئدیرم ///

 

به امید آرزوی طول عمر دوستان عزیزم . این شعر هم فراق نامه دیگری بود که هدیه کردم

. درویش