شعر

بیر گون ائده جکسن منی دیوانه سوبایلیق؟///

یا گوندره جکسن منی زندانه سوبایلیق ؟///

گوردوم گئجه لر آی یاتیر اولدوزلار ایچینده///

باخ اوغلانا حسرتده گزیر قیزلار ایچینده

قالدیقجا سوبای عوموری گئچر توزلار ایچینده///

لابد دییه جک دردینی یورقانه سوبایلیق///

یا کی دولاجاق دیر اورگی قانه سوبایلیق///

آخشام چاغی بازار دا گزن نازلی مارالی///

گوردگجه گوزوی قلبی اولار دردلی یارالی///

اولسون بو مثل هر سوبایین رنگی سارالی///

شمعین دولانار باشینا پروانه سوبایلیق///

گوز یاشی گئدر سیل کیمی هریانه سوبایلیق///

کاش منده توتایدیم آلا گوز یارین الیندن///

بیر باده آلایدیم گئجه دلدارین الیندن///

فریاده گلن چوخدی بو روزگارین الیندن///

دونیا اولوری بیزلره غمخانه سوبایلیق///

یوخدور باخا بیر کیمسه بو گریانه سوبایلیق///

دام داش دوزه لیر تازه جوان لاره بو ایل لر///

بو سوزلره هر یئرده نه چوخ شیرینی ییللر///

اوغلان قیزا قیز اوغلانا محتاج دی دییللر///

طوی باشلاناجاق گل بورا جلمانه سوبایلیق///

آلیقش چالاقین بیر بئله امکانه سوبایلیق///

غصه ایله دولان شعریمین آخیر سیراسیندا///

فیرلادی فلک بیزلری اوز فرفراسیندا///

دونماز اورگیم روزگارین چیرچیراسیندا///

واردیر اومیدیم قادر سبحانه سوبایلیق///

دردیم چاتاجاق بیر گئجه درمانه سوبایلیق///