باهالیق دردی

دایان بیر گئتمه بازاره آماندی///

ریالین اوضاع سی چوخ پیس یاماندی///

مناسب قیمته جنسی ساتان یوخ ///

بازار اهلی سنی درده سالاندی///

باهالیق دردینه درمان تاپیلماز ///

گینه شاعر بو درده سانجلاندی///

ریالین حالینا یاندیم اورگدن ///

یازیق بیر گوشه ده ساکت دایاندی///

نه دین قالدی جیبیش لرده نه ایمان ///

جهنم آتشی سیل تک رواندی///

ریالی قطره قطره دریا ائتدیم ///

بازار اهلی دئدی بیر استکاندی///

بازاره چن دوشر بایرام چاغیندا ///

ائله بیل داغ باشی قاردی دوماندی///

بازار اهلی دومانلیق دار دورارلار///

شکاره آی مناسب بیر زاماندی///

ساتاندا چین مطاعین فخر ائدیرلر///

الهی بو نئجه بیر امتحاندی///

هانی بس اولکه مین دوزگون مطاعی ///

خبر گلدی تاپیلسا زعفراندی///

ساتیلمیش جنسی قایتارماز بازاری ///

بو بیر جمله دوکان لاردا عیاندی///

دلاری بیزلره تحمیل ائدیرلر ///

بو درددن سینه لر آتشفشاندی///

قدیم لردن مثل واردیر دییرلر ///

قورو تانقال کیمی یاش لاردا یاندی///

دلارین اولماسا بازاره گئتمه ///

ریاله جنسی وئرمزلر یالاندی///

بازار اهلی دلارین سایه سینده ///

تجارت میدانیدا پهلواندی///

اینان کی انصافی الدن قویوبلار ///

بو دور کی شاعرین قلبی دایاندی ///