قوشما شعر رحمتلیک آنام اوچون

قرخ گون اولار گوزوم سنی آختاریر/

سانکی بولبول گول چمنی آختاریر/

حزین گونون هر بیری بیر ایل اولور/

آغلاماقا فلک منی آختاریر/

سئل دوزه لیر هر گئجه گوز یاشیمدان/

آتانمیرام بو غصه نی باشیمدان/

خبر آلین قوهومدان قارداشیمدان/

کورپه اوشاق سوت وئرنی آختاریر/

مزار اوسته تک اوتوروب آغلیرام/

سیزیل لایب سینه لری داغلیرام/

قاره گئیب قاره شالی باغلیرام/

یاسه باتان یاسمنی اختاریر/

چرخ فلک قورقو قورور بیزلره/

دیینمیرم بو سوزلری سیزلره/

غربتده کی اولن وطن سیزلره/

خیال قوشوم بیرده وطن آختاریر/

بو قوشمانی رحمتلیک انامین قرخ مین جی وفات گونونه اتحاف ائدمیشم .

ساغ اولاسیز .

شعر باخچامین قوناق لارینین قدملرینه گول توکدوم.