تورکی غزل ( آلارام ) آدیلا سیزه تقدیم اولور

سن دوداق غنچاسینی هر نه یه ساتسان آلارام ///

یاناقیندا  اوتوران خالی قوپاتسان  آلارام ///

گول لرین شه اوتوران چاغلارینا باخما گیلان ///

آچیلان غنچالاری هر یوکه چاتسان آلارام ///

سن گوروش لحظه لرین ساعته قیما گوزه لیم  ///

او شیرین سوزلریین بیر بیره قاتسان الارام  ///

گوزلرین ماوی دنیز تک منه دالغا گتیریر  ///

نه قه در دالغالاری اوردا یوباتسان آلاام  ///

هر گولون بولبولو  اوز عشقینه ماهنی اوتئجک  ///

مطربین هر آوازین باغدا چوخاتسان آلارام  ///

درویشین ایلقارینی غربته سالما گئجه لر  ///

سحرین قیدینه بیر نغمه یاراتسان آلارام  .