آیاق یالین، قوچو عسگر و ایلهام علی­اوف (طنز)

 

آیاق یالین، قوچو عسگر و  ایلهام علی­اوف

 

 

«تعیین جایزه برای اعدام  الهام علی افملعون

 در روزهای اخیر مشاهده کردیم که اقدام موهن یک خواننده بهایی (شاهین نجفی ملعون) در اجرای ترانه ای موهن،چگونه حساسیتهای اقشار مختلف را برانگیخت و از مراجع عظام تقلید تا برخی چهره های هنری و حتی برخی افراد گمنام برای اعدام این ملعون جایزه تعیین کردند.

اما به راستی اقدام موهن و زشت و زننده الهام علی اف در آذربایجان و برگزاری شوی همجنسگرایان شدیدتر از عمل آن خواننده معلوم الحال نبود؟؟!!

الهام علی اف درعین حالیکه ریاست یک کشور مسلمان را یدک میکشد در همان حال بهجنگ با احکام الهی برخاسته وهمجنسگراییرا در آذربایجان آزاد اعلام میکند و از نماد شیطان در باکو(مرکز یک کشور اسلامی ) پرده برداری میکند.

من طبق آموزهایی که از فقه اسلامی آموخته ام این ملعون را مهدور الدم اعلام داشته و برای اعدام این ملعون و مهدورالدمدر حد وسع خودم جایزه تعیین میکنم.

 و به هرکس که این ملعون (الهام علی اف)را به سزای اعمال ننگین خود برساند،از سوی هفته نامه صدای اردبیل۱۰میلیون تومان  یا معادل دلاری آن  جایزه پرداخت کرده و دستانش را خواهم بوسید.

امیدوارم این حرکت بنده با حمایت تبليغي دیگر بزرگواران همراه شده و شاهد روزی باشیم که شیعه واقعی در کشور عزیز آذربایجانحکومت میکند.

اللهم العن اول ظالم ظلم حق محمد و آل محمد

اللهم صل علی محمد و آل محمد

محمد صادق اصغری»

قایناق:  http://sedayardabil.blogfa.com/post-129.aspx

 

 

رامین جهانگیرزاده

 

قوچو عسگر ایبنه­لی­یی آرادان آپارماق اوچون الهام علی­اوفون باشینا 10 میلیون تومن جایزه قویدو. بو خبر آیاق یالینین قولاغینا یئتیشیندن سونرا، آیاق یالینین جانینا قاشینما دوشوب بیر یئرده قالا بیلمه­دی. گئجه ـ گوندوز فیکیرله­شیب، اؤزونو اودا ـ سویا سالاندان سونرا سونوندا بئله قراره گلدی کی قوچو عسگرین ایسته­یینی یئرینه یئتیریب، 10 میلیون تومنه مالیک اولسون.  

بونا اساسن گئجه­لرین بیرینده حاقوئردینین پاسلی دهره­سینی و قدمعلی­نین بوز ائششه­یینی تؤله­لریندن اوغورلاییب آراز قیراغینا یولا دوشدو. آتا ـ بابالارین سؤزلرینه قولاق آسماییب بیر تهر بوز ائششگله آرازی کئچدی.*

آرازی کئچندن سونرا بوز ائششه­یی یولغونلارلا اؤرتوب، آراز قیراغیندا گیزلتدی. اوز ـ گؤزونو ده هئچ کیم تانیماسین دئیه کاماندولار کیمی زیغا بله­دی. بو ایشدن سونرا حاقوئردینین پاسلی دهره­سینی قدمعلی­نین بوز ائششه­یینین خورجونوندان گؤتوروب، باکی­یه ساری یولا دوشدو.

آیاق یالینین باکی­یه ساری یولا دوشدویونو آلا قارغالار گؤروب خبرینی هر یئره یایدیلار. خبر بوتون آذربایجانا یاییلدی، ایلهام علی­اوفون قولاغینا یئتیشدی. ایلهام بیر یئرده اوتورا بیلمه­دی. مئهریبان ایلهامین بو دورومونو گؤروب، بیر آز اونا اورک وئردی.

ـ آ کیشی! نه اولوب نییه بو قدر ایضطیراب چکیرسن؟!! بو آیاق یالین دیلیندن دوشمور! اؤزو ده آدینی ائشیدنده قورخوندان رنگ ـ روفون قاچیر!

ایلهام اوزونو مئهریبانا دؤنده­ریب، دئییر:

ـ آی آرواد! هئچ بیلیرسن بو شوغریب آیاق یالین هانسی یووانین قوشودور! آللاه هئچ کافاری­ دا اونا گؤسترمه­سین! دئدیینی ائتمه­یینجه ال چکن دئییل. آللاه او قوچو عسگرین دیلینی چوروتسون، منیم باشیما 10 میلیون تومن جایزه قویدوغو یئرده!

ـ آ کیشی اؤزونو اله آل! ماشاء آللاه ایکی مئتیر یاریم هئیکلین وار! سنه کیم باخسا قورخوسوندان یئرینی باتیرار هله قالمیش جیرتدان بویدا آیاق یالینا!

ـ دانیشدی ده! آی آرواد سن گئت او مطبخدهقالانمیش قاب ـ قاشیقلاری یو! بو گون بیلیرسن کی من قاب ـ قاشیق یویان دئییلم.

ـ اؤزون یاخشی بیلیرسن کی من قاب ـ قاشیق یویا بیلمه­رم، بارماقلاریم کورلانار. ریکایا آلئرژیم وار.   

بو صؤر ـ صؤحبتدن سونرا، ایلهام مئهریبانی یوخویا وئریب، گئجه یاریسی قورخوسوندان پرئزدئنتلیک سارایینی گیزلی صورتده ترک ائتدی. جانینی ساتین آلارکن بیلینمه­ین بیر نوقطه­یه قاچدی. قارا قارغالارین بعضی نامعلوم خبرلرینه گؤره ایلهام علی­اوفون داناباش کندینده یئرلشن کؤهنه قبریستانداکی عاباسقولو به­یین مزاریندا گیزله­نمه­یی آیاق یالینین قولاغینا یئتیشدی. آیاق یالین کؤهنه قبریستانا گیزلی حالدا یولا دوشسه ده، یئنه ده او وورغون وورموش آلا قارغالار اونو گؤروب بو خبری هر یئره یایدیلار.

ایلهام بو خبری ائشیدندن سونرا عاباسقولو به­یین مزارینی ترک ائدیب باشقا نامعلوم بیر یئره قاچدی. بو قاچ ها قاچدا ایلهامین قیچی بورخولدو. ایلهام آخسایا ـ آخسایا زوربیللهالا قاچای گیله اؤزونو یئتیریب، گیزلندی. قاچای ایلهاما چای دمله­دی، ایلهام بیر ایستکان چای ایچیب، دینجینی آلاندان سونرا، قاچای گیلده قالا بیلمه­دی. او قدر قاچدی کی … یاق  یاق    

من سؤز آتان بیلیرم کی ایلهام هر یئره قاچسا دا، آیاق یالین اؤز یولوندان دؤنن دئییل، ایلهامی سیچان دئشیینده ده اولسا تاپیب، حاقوئردینین پاسلی دهره­سی­ ایله اونون حیاتینا سون قویاجاق.

آیاق یالین قوچو عسگردن 10 میلیون تومن آلاندان سونرا اؤزونه بیر ایتالیایی قالوش آلیب باکی­ شهرینده کئفه باخاجاق.

  

اتک یازی:

داش باشینا آراز گؤر نه گونه قالیبسان کی قدمعلی سنی بوز ائششگله کئچیر.