یاشادیم آجیغیمدان
رامین جهانگیرزاده
آداما آغیر گلیر یونگوللوکلر
آغیر اوتورا بیلمهین آدامین
عاغلی دابانیندا گزنده
آدامین عاغلینا هر نه گلیر
هر نه اؤز یئرینده اولمایاندا
داشی داش اوستونه قویماق اولمور
داشی داش اوستونه قویاندا
باشیمیزا داش دوشور
اؤزوموزو ایتیریریک
«تاپیل ـ تاپیل پول وئریم
تاپیلماسان کول وئریم» دئییریک
هئچ نه تاپیلمیر
بلکه ده بو دونیانین ایشیدیر
ایش ـ ایشدن سووشاندا
هر نه دوزهلیر
آدامین بئزی آچیلیر
هم آدی چیخیر
هم ده جانی
کئشکه بئله اولایدی
آدام اؤز جانینین الینده قالاندا
هئچ بیلمیر هارانین داشینی باشینا سالسین
من اؤزومو 15 ایل بوندان قاباق اؤلدوردوم
هئچ کیمین خبری اولمادی
نه آنام بیلدی
نه آتام
نه قارداشیم
نه ده باجیلاریم
نه ده کی منی اؤلدورمهیه مجبور ائدنلر
دئدیلر باشین ساغ اولسون
هر نه دوزلر
باشیم ساغ اولدو
هر نه دوزلدی
باش ساغلیغی وئردیم اؤزومه
اونوتدوم اؤلمهییمی
یاشادیم آجیغیمدان
دابانیمی چکدیلر
گزدیردیم عاغلیمی دابانیمدا
ترکی آذربایجانی
تورکجه شعرلر
حکایت لر
اعضای انجمن(160)
ramincahangir )
خانه
مطالب(31)
دوستان (20)
گالری تصاویر (8)
کلیپها (0)
نظرسنجی (0)
سایت و اپلیکیشن آموزش زبان انگلیسی urg.ir
چگونگی درج آگهی در سایت و قسمت تبلیغات
تلگرام 
فیسبوک
تویتر
کاکتوس