بیز گرک قیریلمایاق

بیز گرک قیریلمایاق

دونیا اوشاقلار گونو قوتلو اولسون…

رامین جهانگیرزاده

من بالاجا اوشاغام،

موغاندا ياشاييرام.

دونيا اوشاقلاريني،

اؤزومه دوست ساييرام.

كئشكه بير يئر اولایدی،

يغيشایدیق بير يئره.

اويناييب گوله ـ گوله،

دانيشایدیق بير ديله.

آنجاق حاييف بيزلري،

آيري سالدي بؤيوكلر.

هئي داوا ـ قيرغين ساليب،

تورپاقدا قان تؤكدولر.

سئويب ـ سئويلمك اوچون،

گل هئچ واخت آيريلماياق.

بيرلشك زنجير کیمی،

بيز گره­ك قيريلماياق.