یزیلداییر یئنه بئینیم، پتک سالیب آریلار

ویزیلداییر یئنه بئینیم، پتک سالیب آریلار

رامین جهانگیرزاده

بو کور بوجاقدا اوتوروب، قان آغلاسام نه اولار

گؤیون اوزونده بوزاریب، دان آغلاسام نه اولار

اوتانمارام او گونشدن، قیزارمارام داها بیل

اؤلوم یاغیر دیریلردن، جان آغلاسام نه اولار

نئجه جان آغلاییم ایندی، جانیمدا قالمادی هئی

گولر اوزومدن اوزاقدا، یان آغلاسام نه اولار

ویزیلداییر یئنه بئینیم، پتک سالیب آریلار

ایچیمده پؤهره­له­نرکن، شان آغلاسام نه اولار

ایچیم ایچیمده داغیلدی، سوموکلریم اریدی

ایتین هورن او بانیندا، بان آغلاسام نه اولار

باغیرمادیم من آجیمدان، خان اولدو آج یالاواج

 دوروب یئنه آجیغیمدان، خان آغلاسام نه اولار

دیلی دولاشدی بیر آنلیق، ساتاشدی وار یوخوما

دیلیمده قالمادی تورکلوک، پان آغلاسام نه اولار