گونش

یارین بویون قوجاقلادیم یار اغلادی من اغلادیم

ییغیشدی قونشولار بوتون جار اغلادی من اغلادیم

باشیندا قار قالان داغا دانیشدیم ایرلیق سوزون

بیر اه چکیب باشینداکی قار اغلادی من اغلادیم

طاریمدا نار اغاجلاری منی گوروب دانیشدیلار

بویومو زیتون اوخشادی نار اغلادی من اغلادیم

ائله کی اسدی بیر خزان تالاندی گوللریم منیم

خبر چاتیناجا بولبوله خار اغلادی من اغلادیم

اوره ک سوزون دئدیم تارا سیملر اولدو پارا پارا

یاواش یاواش سیزیلادی تار اغلادی من اغلادیم

دئدیم کی حق منیمکیدی باشیمی چکدیلر دارا

طناب کسنده بوینومو دار اغلادی من اغلادیم

(جعفری)یم بویون بالا غم سینه مده قالا قالا

یار جانیمی الا الا یار اغلادی من اغلادیم