واراولسون ائللر

بو عزیز اولکه ده آچیلیب گوللر

گوللر بوداغیندا اوخور بولبوللر

سیرانگاها چیخسین بیزم بوائللر

بیر بیرین چاغیریر باغچادا گوللر

******

عاشیقلرین سازی سوزی اوجالسین

بولبوللر باغلاردا هلهله سالسین

شاعرلر قلمین الینه آلسین

ساغ اولسون قلملر ساغ اولسون دیللر

*******

دسین اولکه میزین اوجا داغیننان

داش قومللی چایین نان باغچا باغیننان

دسین او حرمتلی قیز قالاسیننان

ساغ اولسون اولکه ده ن سولیین  دیللر

*******

قافلانکو داغیندا سیلدیریم  داشلار

ایگیت لر ایلییب اوردا ساواشلار

جیران اولاماقا گدر یولداشلار

ساغ اولسون اولکه ده یاشییان ائللر

********

قافلانکو داغیندا او قیز قالاسی

ایگیت لرین اوردا یوردی یوواسی

ایندی اوتلار اوردا جیران بالاسی

افتخار ائله سین بولارا ائللر

*****

قزل اوزه ن چایی درین دی دایاز

کیچیکدی یانیندا داش قوملی آراز

اورده ک لر ایلییر اوستینده پرواز

قیز کورپی سی گوروب داش قوملی سللر

******

بهار فصلی گنه بزگوش بزندی

لاله لر سونبوللر داغلاردان اندی

هر یره باخیسان گولدی چمندی

اوی نییر باغلاردا ساری سونبوللر

*******

ائلیمین اوبامین  سرین هاواسی

گوزلدی هریرده ائلی اوباسی

ونجاننان گچه نین اوچار هاواسی

دییرلر بهشتی بیزیم بو ائللر

*******

عزیز میانامیز صنعت مولکیدی

ادب گولشه نیدی همت مولکیدی

محبت باغیدی غیرت مولکیدی

صنعتین پولاد دان محکم دییرلر

****

محمودی سوزلرون شکردی قتدی

گوزل ائللرووه شیرین سوقتدی

عاشیقلر اوخوسون بو نچه خطی

دسینلر دسینلر وار اولسون ائللر