قورخما باغی برتدی باجی.( آنامین ناغیل لاریندان)

گونلرین بیر گونو بیر قاری واریمش، 3 گلینی واریمیش؛ خیردا، اورتامجیل و بویوک گلین.

قاری گلین لرینه گون(بلکه ده گؤز) وئریب ایشیق وئرمیرمیش! هر ایشلرینه، یئییب ایشمه لرینه، گئدیپ گلمه لرینه قاریشیرمیش.

گونلرین بیر گونو بو قاری ائودن ائشیگه چیخاندا گلینلر بیرلشیب بیر نئچه خیتَپ، کؤکه، فتیر و بونا تای چؤرکلر بیشیرمه یه قرارلاشیرلار.

خیردا گلین ساجی، تندیری قوروب اوجاق قالاییر. بویوک گلین خمیر یوغورماغا باشلاییر، اورتامجیل گلین ده آرادا بویوروغا باخیب همده گؤدوردو بیردن قاینانا یئتیرسه گلین لری دویوق سالا!

خیردا گلینین کیشی سی نئچه گون اؤنجه داغدان خزه ز ییغمیشدی، گتیریب آرتلاییب دوغرادی(گؤیلومه خزه ز دوشدو واللاه)، یاواش یاواش خیتَپ لری حاضیرلادی.

خبتبی ساج اوسته دوزدولور، بیر ایکی فتیر،، کؤکه بیشیرمیشدی لر ! بیردن اورتامجیل گلین تله سیک قاچیب گلدی، دئدی :" باجی! باجی! قاینانا گلیر، بولاقین یانیندا ایندی"

بویوک گلین تئز هر شئیی ییغیشدیریب، ایزین اینیریب بیشیردیکلرینی ده بیر یایلیغ آراسینا ییغیب باغلادی بئلینه( گئییم لر تومان کؤینک اولدوغونا بیر شئی ده بللی اولموردو).

بیردن قاینانا گیردی ایچری(وای دده!). "گلین لر!!! دوشون اویونا" دئدی. قاینانا ایستیردی گلین لر بیر شئی گؤتوروب گیزلتمیش اولسالار دوشسون(باشدیغلاریندا). گلین لر دوشدو اویونا. آللاه دادا چاتسین...

خیردا گلینه بو ایش لر قریب گلیردی، اوینایا اوینایا اؤز ائله لییب قایین آرواتلارینا دئدی:"بو نه علامت دی باجیییییییییییییی؟؟؟"

اورتامجیل گلینده کی بئله ایش لره آز- ماز تانیشیدی قورخا قورخا بویوک گلینه دئدی:"دوشسه قیاااااااااااااامتدی باجی"

بویوک گلین ده شیرین بیر گولوش دوداغیندا اولورکن، دئدی:" قورخما باغی برتدی باجییییییییییییییی"

خیتپ: بیر نوع چوره کدی، خمیر آراسینا خزه ز و آیری داغ اوتلاری ییغیب ساج اوسته بیشیرریرلر. چوخ دادلی بیر یئمکدی

خزه ز: کَوَره، سوغانا اوخشار بیر تره دیر. آجی تامی وار آمما چوخ یئمه لی دیر. پنیرینن چوخ یاپیشار، تریجحا در مئشه و همراه اوجاق چایی