ظفردن یازیرام، "دان"-دان یازیرام

 

ظفردن یازیرام

"دان"-دان یازیرام

او موتلو گونلردن

ایندی قان آخاجاق میصراع لاریمدان

ظفردن یازاندا

"دان"-دان یازاندا

آنام ناغیلیندا ایتمیش دؤیوشچو

پاسلی قیلینجینی ایتیلدیر یئنه

یئنی جه دوغولموش کؤرپه جه قیزین

اینجه چیغیرتیسی الیمه هوپور

دونندن بو گونه قیلینج کؤرپوسو

اینجه لیک

         سرتلییین اؤده جه ییمیش

و زیندان

           آزادلیق یانینا چکیلمیش

جیغیردان ساوایی باشقا شئی دئییل.

یاوان تورپاق لارین یئشرسین دییه

باریشین گؤوده سی گؤیرسین دییه

تورپاغا سپمه یه

گول له گرکدیر...

قارتال قاورامینی ایچ ائله مه یه

قاغالار آخینی بیر چیخیش ایسه

قبریستان

ماس ماوی،

جانلی اولای دیر

 

ظفردن یازیرام

"دان"-دان یازیرام

او موتلو گونلردن

ایندی قان آخاجاق میصراع لاریمدان

ظفردن یازاندا،

آی پولاد قیلینج!

شعر نَلبَکیمدن دیل اوزادیرسان

بایرام قاباغینین

                  سَمنی سی تک.

 

آتیلا کیشی زاده