ولادت حضرت معصومه و روز دختر مبارک

شهر قم زینت تاپوب سندن خانیم معصومه جان 

مظهر عشق ونجابتسن خانیم معصومه جان

بارگاهوندی سنون گویا بهشتون گوشه سی 

مرقدیندن قم اولار روشن خانیم معصومه جان

سن اوسلطان خراسانون گرامی خواهری 

چوخ وریب رتبت سنه ذوالمن خانیم معصومه جان

گر که قصد ایتسم زیارت شهر طوسه هرزمان 

بول اول زوارین اوللام من خانیم معصومه جان

ملک ایرانه اوزین بیر نور سرمد سن خانیم 

تارک قم اوسته چون رخشن خانیم معصومه جان

اول ایشیقلی بارگاهونده کیم ایتسه گر دعا 

موجبات استجابتسن خانیم معصومه جان

در گهوندن بوش قیتمز کیم توصل ایلسه

سن کرمده بی کران معدن خانیم معصومه جان

قبر پاکونده یقین زوار اولار صاحب زمان

ویر سلام مولانی گرگورسن خانیم معصومه جان

بول فراق وهجر مولادن منیم ایللردی چوخ

غم اولوبدی قلبیمه مسکن خانیم معصومه جان

گوزلریم یولدا گله بیر گون گورم رخسارینی

دیده چشمیم اولا روشن خانیم معصومه جان ,

خوش نواز, میلاد خانم معصومه وروز دختر مبارک.