غزل ترکی عاشقانه عارفانه واجتماعی از خودم

دونیادا عاشقلرین یوردی فقط میخانه دیر

اولماسا میخانه لر دونیا بوتون افسانه دیر

ال میی عاشق الیندن ایچ گویه پرواز ائله

هر کیم ایچسه بو شرابدان دونیادا پروانه دیر

نعره چک حلاج تک تا کی جهان اگاه اولا

دونیو یا ارزش وئرن چون دونیادا دیوانه دیر

الهامی ال سن هنردن کونلونی بیر شاد ائله

هر یانی شاداب ائدن شعر و هنر گولخانه دیر

شهد عشق ایله اوتی تا شهد اولا کونلون سنین

چون سنین کونلون جهانه بیر بیوک پیمانه دیر

کونلونی ویران ائله سن خالق اوچون دونیا بویی

چون مکان گنج لر عاشق لره ویرانه دیر

گل محبت اهلی اول خالقی سووک تانری تکین

اوندا دونیاده یاشایش هامییا شاهانه دیر

گل اولاق بیز انسانابیر ((ساقی))شیرین سخن

هر کیم اولسا صاحب عقل و خرد فرزانه دیر

..........................................................................با عرض پوزش از فارس زبانان عزیزم