صحیفه سجادیه تورکجه ده : دیله یش 42و 43

 

 

 

 

دیله یش ( 42 )

 

قرآنین ختم و چیخماق دیله یشی

1 ) – ای الهی ! ائله اوزون منی ختم قرآنا و قرآن

اوخوماقا یاردیم ائله دین ، قرآن که اونی ایشیق

کیمی یولی تاپماقا یوللادین و اونی قاباقکی گوی

کتابلارینا تانیق و بیلله دن ائله دین و اونی آییری

بیر هر دانیشیقا اوستون و فضیلت لی ائله دین .

2 ) – قرآنی حلالینان حرامی آیریدان ائله دین و

اوننان اوز احکامیین بیللندیردین او کتاب که اوننان

بنده لریین  و او وحی که محمد پیامبرین که سنین

سلام و پایلارین اونا و طایفاسینا اولسون

یوللادین .

3 ) – ای الهی ! قرآنی بئله میزه بیر ایشیقی ائله

دین که اوننان آزقین لیق و دوشونمه مازلیق

قارانلیقلارین نان قورتولاق و اونی ساغلاملیق ائله

دین او کیمسه یه که دوزگون دوشونماقینان اونون

اوخوماقینا قولاق آسیر لار ، قرآنی که عدالت تئره

زیسی دیر و هئچ واقت سوزی حقدن دونمز و بیر

هدایت ایشیقی دیر که هئچ واقت بونجاق و دلیل

آلاولاری تانیق لارینا و باخانلارا سونمز و قورتولوش

بایراقی دیر که هر کیمسه ایسته سه اونون دالیجا

اولا آزقین لیقا دوشمز و هر کیمسه اونون پاکلیق

ایپین توتا ئولدوریجی اللر اونا چاتمازلار .

4 ) – ای الهی ! ایندی که بیزی قرآن اوخوماقدا

یاردیم ائله دین و دیلیمیزین چتین لیک لرین اونون

گوزل سوزلرین نن آساد ائله دین ائله ده بیزی او

کیمسه لردن ائله که لاپ یاخشی قرآنین حق

لارینی یئرینه گتیریر لر و محکم آیه لرین قاباقیندا

سینیق و اعتقادلی اولوب و قابول ائدیر لر و اونون

بللی و اورتولی آیه لرینه اعتقادلاری وار .

5 ) – ای تانری ! سن قرآنی آچیقلامامیش او

پیامبرین محمد ( ص ) یوللادین و قرآنین بیلیمین و

شاشغی لارین اونا دوشوندوردون و تفسیر

بیلیمین بیزه ساخلادین و بیزی او کیمسه یه که

قرآنا گوره دوشونمز و بیلمئین دی اوستون ائله

دین و بیزه گوج و باجاریق وئردین تا دورارلیق

یئریمیزی او کیمسه دن اوستون ائله دین که قرآنی

آپارماقا طاقت لری یوخیدی .

6 ) – ای الهی ! او جوره که بیزیم کونوللری قرآنی

آپاران ائله دین و اوز رحمتین نن بیزه اونون

اوستونلوک و شرافتین بیلدیردین بئله ده محمد

( ص ) که قرآن نان دانیشیر و طایفاسینا که قرآنین

قایناقلاری دیلار سلام و پای یوللا و بیزی او کیمسه

لردن ائله که بیلله دیللر قرآن سنین طرفین نن

یوللانیب ائله که اونون ایناملیقیندا ایکی کونوللی و

اوشونوشلی ( شک لی ) اولمویاق و هر جوره

باطیله چکیلماقی بیزه اونون یولون گئدماقدان

ساخلاماسین .

7 ) – ای تانری ! محمد و طایفاسینا سلام و پای

یوللا و بیزی او کیمسه لردن ائله که قرآنین ایپینه

یاپیشیرلار و اونون بنزر آیه لرین نن اونون محکم آیه

لرینین اوجالیقلارینا سیغینیر لار و اونون قانادلاری

نین کولگه سینده آرام توتورلار و سحر ایشیقینان

یول تاپیر لار و پارلاق ایشیقی نین یولونا گئدیر لر و

پارلاقین نان ایشیق آلیر لار و یول تاپماقی و

یاخشی پایلاری تکجه قرآن نان آلیر لار .

8 ) – ای الهی ! او جوره که قرآنینان ، حضرت

محمدی اوزوین چاتماقا بیر اورنک و نشانه ائله دین

و سئوینجی ین چاتماق یولون اونون طایفاسی

نین یولون ائله دین بئله ده محمد و طایفاسینا

سلام و پای یوللا و قرآنی بیزه کرامتین لاپ شریف

و اوستون یئرله رینه چاتماق آلقاشی و سلامت

یئری نین پلله کانی و قیامت ساحه سینده

قورتولوش آلقاشی و اوننان بیزه صون اوبانین و

آخرتین پایلارینا یئتیر .

9 ) – ای تانری ! محمد و طایفاسینا سلام و پای

یوللا و قرآن نان گوناهلارین آغیر یوک لرین بیزیم

دالیمیزیدان گوتور و بیزه یاخشی ایشیق گورنلرین

گوزل اوزلرین نن پای وئرو بیزی او کیمسه لرین

دالیسیجا اولانلاردان ائله که گئجه لرین یاریسی و

گوندوزلرین ساعات لاریندا قرآن اوخوماقا مشغول

دیلار که او پاک لیقین نان بیزی هر بیر پیس لیکدن

پاک لاداسان و بیزی او کیمسه لرین دالیسیجا

اولانلاردان ائله که قرآنین پارلاق لیقین نان ایشیق

آلیب لار و ائله ائله مئیب  که صالح گوروملرین

یئرینه اوزون آرزی لارا قاتیشالار تا بو که شئشماق

اویونجاقی اولوب و آرزی لار آلدادیشی اولمویالار و

قرآن نان باغلی لیقلاری قیریلماسین .

10 ) -  ای الهی ! محمد و طایفاسینا سلام و پای

یوللا و قرآنی گئجه لرین قارانلیقیندا بیزه مونس و

دومویه ائله و اونی شیطانین آلدادیش و

آللادماقلاری قاباقیندا بیزی ساخلییان ائله و اوننان

بیزیم آددیملاری گوناهلارا ساری گئدماقدان ساخلا

و دیلیمیزی باطل سوزلری دانیشماقدان بئله که

ناخوشلوقی اولماسین لال و دانیشماز ائله و

اعضائ بدنیمیزی گوناه و سوچلاردان ساخلا و

کونلوموزون یانلیش اورتوگون عبرت آلماقا قیراغا

وور تا بو جوراسی قرآنین دوشونماقینا ال آپاراق و

اونون بیلدیریجی اورنک لرینی که بویوک داغلار

ائله جه محکم لیقلارین نان که وارلاری دی اونی

گوتورماقدان گوجسیزدیلر بیزیم کونوللره یول

سالالار .

11 ) – ای الهی ! محمد و طایفاسینا سلام و پای

یوللا و قرآنینان بیزیم ظاهری اصلاح ائله و پیس

دوشونجه و آلدادانلاری بیزیم ایچه ریمیزدن اوزاق

لاد و کونوللریمیزین باتماقلارین و سوچ و گوناها

علاقه نی بیزدن یوگینان و بیزیم داغیناق

ایشلریمیزه اوننان صون سامان و قیامت گونی که

قاباقدا دورموشوق اوره ک لریمیزین یانقین لیقین

قرآنیناندویوزدیر ، و قرآنینان بویوک چتین و اوره ک

چیرپیندیران گون ( قیامت گونی ) جهنمین اودوننان

بیزه امنیت پالتاری گئیدیر .

12 ) – ای تانری ! محمد و طایفاسینا سلام و پای

یوللا و بیزیم یوخسوللوقی و آزلیقلاری قرآنینان

دولدور و اوننان راحات یاشام و بوللی زومار بیزه

گتیر و بیزی پیس داورانیشدان و بئیه نیلمز

اخلاقدان اوزاق لاد و بیزی کفرون قارانلیق

قویوسونا دوشماقدان و ایکی اوزلی لردن ساخلا

بئله که قیامت گونی قرآن بیزی بهشت رضوانا

ساری یول گوسترسین و دنیادا بیزی سنین

ناراحات لیقین نان و سینیر لارین نان گئچماقدان

ساخلاسین و قرآن حضوروندا شهادت و تانیق لیق

وئرسین که بیز حلالیین حلال و حرامیین حرام

بیلیریک .

13 ) – ای تانری ! محمد و طایفاسینا سلام و پای

یوللا و قرآن نان چتین جان وئرماقی و ئولوم چاغی

چیغیر باغیر لاری بیزه آساد ائله و او چاغدا که

جانلار بوغازا یئتیشر و دئییر لر کیمدیر اونی قورتارا

؟ و بو چاغدا موت ملکه سی جانی آلماقا پرده

دالین نان گلر و ئولوم یانین نان آیریلیقین وحشتلی

اوخلارین جانلارا ساری آتار سرعتینن ئولوم زهرلی

کاساسین جانلارا توکر و بو چاغدا بیزیم سفریمیز

آخرته ساری یاخین لاشار و گوروملریمیز زنجیر لر

کیمی بوینوموزا باغلانار و قبیر لر تانری نین

گوروش گونونه کیمین بیزیم اوبامیز اولار .

14 ) – ای الهی ! محمد و طایفاسینا سلام و پای

یوللا ، چوروماق اوباسینا گلماقیمیزی و اوزون

چاغلی توپراق لار آلتیندا قالماقیمیزی بیزه موبارک

ائله و دنیادان آیریلان نان سونرا قبیر اوبالارین بئله

میزه لاپ یاخشی اوبا ائله و اوز رحمتین نن قبیر

دارلیق لارینی بئله میزه آچیلیش دیر و بیزی قیامت

ده حاضیر دا کیلارین قاباقیندا کورلادان گوناه و

سوچلاریمیزا گوره آبیرسیز ائله مه .

15 ) – ای تانری ! او چاغدا که قاباقیندا اسکیک

لیق و آلچاقلیقدا دورموشوق قرآنینان بیزه رحم

ائله و قیچلاریمیزی جهنم کورپوسونون تیتره مه

سی نین اوستونده محکم و ثابت و دورارلی ائله و

قبیر دن چیخمامیشدان قاباق اونون قارانلیقلارین

قرآنینان بئله میزه ایشیقلی ائله و اونون آلقاشینان

بیزی قیامت گونون چتین لیک لرین نن وبتر

قورخولارین نان قورتار .

16 ) – ای تانری ! نیسگیل و پئشمانلیق گونونده و

او گون که ظالیم لرین اوزلری قره اولار بیزیم

اوزوموزی آغ ائله و بیزیم سئوگی و محبتیمیزی

مومن لرین اوره ک لرینده قویگینان و حیا تی بئله

میزه چتین ائله مه .

17 ) – ای تانری ! محمد بنده ن و ائلچی ین سلام

و پای یوللا ، او جوره که عهده سینه قویموشدون

دئدی و بویوروقویون آیدین سسلری نن مللته

چاتدیردی و بنده لری ین اویود وئردی .

18 ) – ای الهی ! پیامبریین که سلام و پای لارین

اونا و طایفاسینا اولسون قیامت گونونده لاپ یاخین

پیامبرلردن قاپیندا ائله و یاردیم لیق و شفاعت لرین

قابول ائله و دورارلیقین یانیندا اوجا و و لاپ آبیرلی

لاردان ائله .

19 ) – ای تانری ! محمد و طایفاسینا سلام و پای

یوللا و ایشی نین کوکون و آخیمینی شرافت و

اوستون ائله ، بونجاق لارین بویوک و ایشله رینین

تره زی سین آغیر و یاردیم لیقین قابول و

آلقاشلارین یاخین ، اوزی آغ ، ایشیقلیقین بوتون و

دورارلیقین یوخارییا آپار >

20 ) – بیزی اونون سوزونه باخانلاردان ائله و

یولداشلاری نین جرگه سینده قویگینان و بیزی

اونون کوثر حویضینه آپار و اوننان بیر کاسا بیزه

ایچید .

21 ) – ای تانری ! محمد و طایفاسینا سلام و پای

یوللا ائله سلامی که اوننان لاپ اوستون آرزی

لاریما که سنین پایلارین و یاخشی لارین دی چاتا

نییه که سن گئنیشلی و رحمت صاحابی سان و

چوخلی احسان صاحابی سان .

22 ) – ای الهی ! بونا گوره که پیغمبرین سنین

سوزلرین نن مللته یئتیردی و آیه لریین اونلارا دئدی

و بنده لرین اویود وئردی و یولوندا جهاد ائله دی

بونا بیر ایشلیک وئر ائله بیر ایشلیکی که لاپ یاخین

ملاکه لرین نن ایشلیکی اوستون اولا ، تانری نین

سلام و پایلاری اونا و پاک طایفاسینا اولسون .
                                                                                           ***  

 

 

 

 

 

 

دیله یش ( 43 )

آیین هلالی نی گورماق دیله یشی و دعاسی

1 ) – ای سوزه قولاق آسان یارانمیش ، تله سن

یئریشلی ، ای بیللنمیش یئرلرینده گئدیب گلن ، ای

یازیلمیش مداریندا یئر به یئر اولان .

2 ) – ایمان گتیردیم او کیمسه یه که سنی نن

قارانلیقا ایشیق وئردی و اورتولی لری ایشیق ائله

دی و سنی سلطنتی ین اورنکی و نشانه سی و

شاه لیقیین اورنکی ائله دی و سنی چوخلوقا و

آزالماقا چیخیب و باتماق و ایشیقلی و گئچماقا

ایشینه آلدی و سن بو اوزلرین هاممی سیندا

سوزه باخان و بویوروق آپاران و ایستک لرین

گورماقدا تئز عمل و گوروم ائدیر دین .

3 ) – بویوک تانری پاک و تمیز دی که سنین

موردینده یازقی سین تعجب لی ایشه آپاریب و

یارانیشیندا چوخ نارین لیقلاری ایشه سالیب و

سنی تئزه آیین کلیدی تئزه ایشه ائدیب دی .

4 ) – بئله ده تانری ، منی و سنی یارادان ، سنین و

منیم ایشلریمی یازدیران و منیم و سنین وارلیقییان

شکیل  وئرن دی . و اوننان ایستیرم که محمد و

طایفاسینا سلام و پای یوللویا و سنی برکتلی آی

ائده که کونلری گئچماقینان برکتلی و پایلاری

آرادان گئتمئیه و سنی پاک بیر آی ائده که سوچلار

اونی باتیرمئیا .

5 ) – آیی که بلالاردان و نقصانلاردان اماندا و

گوناهلاردان ساغلاملیقدا اولا ، خوش پای بیر آی

که اوندا نحس لیق اولمویا و برکتلی بیر آی که

اوننان هئچ خوشا گلمئین بیر زاد اولمویا وراحات

لیق و دینج لیق آیی که اوندا توتولموشلوق اولمویا

و یاخشی لیق بیر آیی که اوندا پیس لیک

قاتیشمئیا و امنیت و ساغلاملیق ، ایمان و و پای ،

یاخشی ایش گورماق و ساغلام و اسلام اولا .

6 ) – ای الهی ! محمد و طایفاسینا سلام و پای

یوللا و بیزی لاپ سئوینج کیمسه لردن ائله که آی

اونلارا چیخیب دی و لاپ پاک کیمسه لردن ائله که

آییا باخیر لار و لاپ خوش پای کیمسه لردن ائله که

بو آیدا سنه بنده لیک و عبادت ائدیر لر و بو آیدا بیزه

توبه قسمت ائله و بیزی سوچدان و گوناهدان

ساخلا .

7 ) – و بو آیدا پایلاریین شوکورون بیزه وئر و

ساغلاملیق پالتارین بدنیمیزه گئیندیر و سن نن لاپ

بوتون بویوروق آپارماقینان پایلاریین بیزه بوتون ائله

نییه که سن چوخ پای وئرن وبئیه نیلن سن ، ای

تانری محمد و پاک طایفاسینا سلام و پای یوللا .

                  

                                                                         *** 

   کوچوره ن : جعفر احمدیه